|
ياعلي النيه 0000 همسه بينى وبينك
السلام عليكم ورحمة الله وبركاته
الليله براسي طاروق كان بك شده اربطى حزامك واعصبي راسك وانتى قدها بلا قصور بالبقيه استلمى الاوله اقرب وحيااك حيااااااك والثانيه اعداد ماسارت اخطاك الله يعز اللى علـى الطيب رباك ما اقول يانفسي عن الشعر توبي باظهر المكنون والليل توه باوله 0000000ع/لى اظهر مابقى فى حشايا من سنين دام اشوف ان القمر ثابت ٍ فى منزله 000000فى ضحاحه باظهر السر وكل خافى يبين |
وعليكم السلام ورحمة الله وبركاته
هلااا وحياااك به شده والله يسلمك ويعااافيك يارب استلم الاوله الله يبقيك يبقييك والثانيه يامرحبا الله يعافييك ومثلك فخر ياجعل ربي يخليييك ما اقول يانفسي عن الشعر توبي مـرحـبا يا مـرحبا يـــا رفيـع المنــزلــه اظهر الي فالحشا اخبرك ما تجيب شين والقـمر ثـابت مكانـه ولا احدٍ حوّلـه والهموم الي بصدرك لها وقت وتزين |
الله عليكم مبدعين في كل حالاتكم
وبصراحه نفسي اتعلم الطاروق هذا بصراحه لاجيد كتابته وسوف اكون متابع لعملاقين عقاب وعلى النيه لاعدمناكم الله يديم عليكم الصحه والعافيه واصلو فنحن متابعين لكم |
متابعين لكم وبشغف.. متعونا بدرر كلماتكم
لا عدمناكم أخوي عقاب النهار والغاليه على النيه.. مبدعين ورائعين وياسعدنا فيكم. |
اقتباس:
كان الامل عندي بحظرة جنابك يامرحبا فى حظ والله جابــــــك بعطيك انا العنوان ودون كتابك ماقول يانفسي عن الشعر توبي صاحبي ياصاحـــــــبي والامور مطوله 00000000 جالك الخافى وانا كاتم السر الدفين اقري الاخلاص والناس ومعها الزلزله 0000000كان همى شيخ جن فزعتك لى ياعوين |
الغالى
محمد اديهم مجرد مرورك هنا له الطابع الخاص بالنفس كيف وانت متابع شرف لنا هذا الحظور |
الاخت ملامح
الله يسعدك ومتابعتك شرف لنا امد الله بعمرك تقديرى لك واحترامى |
عقاب النهار,,, على النيه
للإبداع عنوان وأنتم عنوانه .. إستمتعت وننتظر المزيد ... الله يعافيكم وصح الله لسانكم .. |
اقتباس:
الابداع بحد ذاته هو اطلالتك هنا وتواجدك يزيدنا شرفا كم شرفنى مرورك ومتابعتك تقديرى لك واحترامى |
اســــــــــتــــــــــــلم الحمدلله يوم جينا على شرواك قـدرتنا والله يحفظك ويرعــاك والروح والله يابن الاجواد تفداك ماقول يانفسي عن الشعر توبي ياعميل الخير والله الامـور مسهـله والله ان السر واضح عسى الله لي يعين من يحافظ في صلاته يبدي البسمله والله اني واقفه معك في عسرٍ ولين |
اقتباس:
كفوا والله بنت الذيب صح لسانك ابدعتى والله استلمى دام الرحيل اليوم قـــــــــرب وفرقا وعيون من مثلى من الدمـع غرقا طرق الهوى طارى ويطرقنى طرقا ماقول يانفسي عــــــن الشعرتوبي الجمل سارى وفيه الخروج محمله 00000000قاطع الوديان والليل من ليله حزين مالقى المرباع وكل الديار الممحله 00000000فى طريقه والعنا زادبه هو والحنين |
كفوك الطيب والله
وصح لساانك ملاااايين والابدااع منك وفيك اســــــــــتــــــــــــلم لا تحسبن الوقت ياقف تراه يدور طبع الزمن ياخوك لابد ما يجور يالله عسى عقب الظلام يلفي النور ماقول يانفسي عن الشعر توبي وش يحد شعيل يسري وهو له منزله كود شين مزعله وانت رجالٍ فـطين انتظر يمكن يجي بالليالي المـقبله ياعقاب الوقت هذا يبكي كل عين |
وش يحد شعيل يسري وهو له منزله
كود شين مزعله وانت رجالٍ فـطين وش يحد شعيل يسري وهو له منزله كود شين مزعله وانت رجالٍ فـطين وش يحد شعيل يسري وهو له منزله كود شين مزعله وانت رجالٍ فـطين الله الله عليك وربي ابدعتى قالوا لى الطب وواخر الطب بالكي واللى بلانى موووت قلبي وانا حي المشكله من شى يــطلع ووولا شى ماقول يانفسي عن الشعر تــــــوبي ماتحرك كود من شى شاف امجفله 0000000000 مالتفت للخلف وعينه تناظر للقطين ليت ذاك الغيم عن شمس شفت مضلله 00000000000 ينجلى ويشع ورد العبير وياسمين |
صح لساانك ابداااع بلاااحدود اســــــــــتــــــــــــلم ياما سهرنا بالليالي وحنا صغار يالله ياعالــم خـفيات الاسرار تفرج همومه كلها صغار وكبار ماقول يانفسي عن الشعر توبي الجمل لا شاف شين يزعل يزهله يصبر ولابد الايام في يومٍ تـبين وغـيمتن تنزاح بكره نــحــل المـــشكله والعمر يمشي وذا الناس في شوق وحنين |
صح لسانكم جميع
ولو اني اشوف الموضوع بينك وبين على النية لكن بشارك علي استفيد منكم في ساعة الليل اسهرت حاجبيني ولا الطواريق العبه في يديني بس الهوا والحب انا حاجتيني ماقول يانفسي عن الشعر تــــــوبي الشتاء ليله طويل ورفيقه معجله ..... ياقف ببابي عدو ولي ماهو مبين لا لمحني سارح اشر لشر عمله ...... ولا لمحته صد بعيونه وزاد الغبين ليتها حاجة واسلم له الشي بسهله ...... غيره تقطع قلوب اللذي ماله عوين |
| الساعة الآن 01:27 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010