منتديات بعد حيي - النصر يواصل مسلسل انتصاراته على حساب الوحدة

- المباراة بشوطها الاول كانت سيئة جداً - حتى على مستوى الجمهور وفعاليته .. لذلك الشوط الاول ما لي كلام عنه غير أن ما حصل به مجرد عّك كروي في وسط الميدان ..

- الشوط الثاني تحسن بعد اشراك الزيلعي وسعود حمود .. بالرغم من انانيتهم الزايدة وأخص بالزيلعي اللي كانت اغلب لقطاته تسديد ات عشوائيه أما سعود حمود فتمكن من الوصول للمرمى ولكن إضاعة الفرص كانت عنوانه - لو اقتنص أحد فرصه كان انتهت المباراة من بدري ويمكن عليها زياده ! .. عموما اشراك هالاثنين أعطى سرعة رتم للمباراة . وغير مجراها ,,

- استغرب عدم إشراك أحمد عباس .. ما ادري سالفته مع الكوري صحيحه أو لا وهل تسببت في عدم اشراكه اليوم او لا ؟ خصوصاً أن المدرب يعتمد عليه كثير بوسط الميدان . سواء محور ثاني أو ثالث

- سعد الحارثي دائما ما يبدأ هجمة هدف أو ينهي هجمة .. سعد علامة فارقة وإن غاب عن التهديف وإن غاب عن مستواه الطبيعية .. فهو دائما ما يشارك في الهجمة خصوصاً إذا ما ابتعد عن الاحتفاظ بالكرة .. ولا زلنا على أمل عودته !

- خالد راضي لاعب يعطي ويوجه ويتحمس كثير بالملعب .. ودائما ما يكون سبب بالانتصار هذا اللاعب .. مستقبله كبير لو استمر على تطوير مستواه .. بس خوفي تتقطع حباله الصوتيه من كثر ما يصيح على هزازي خخخ

- ديسلفا إن كانت تبديلاته في الشوط الثاني إثر قراءة فنية سليمة .. فهو يكسب الرهان - والله اعلم هل هي قراءة فنية ولا مجرد صدف يا ديسلفا !

- باسكال في شي ينقـصه إلى الان ما اكتشفته ! ولكن أعتقد مسيرته بالدوري القطري أثرت على مستواه .. وفي حال استمر مع النصر وتطور مستواه فهو فعلا لاعب يتأثر بالمجموعة اللي معه . خصوصاً وأنه كاد أن يحرز الهدف الثاني بعد تمريره من سعد وانفراده لـه .

على العموم الف مبروك الفوز النصراوي وهاردلك للوحداويين ,,

بدووووره ,,

لاهنتي يا الغلا على النقل ينطيتس العافيه ,,