|
يبه عجزت أسلى وأنسى ...
من المتعارف عليه أننا نعبر عن حبنا دائمآ لأمهاتنا بسهولة وعلى طول... لأنها الأقرب ودائمــــآ متواجده في البيت بأي وقت نحتاجها نلاقيها أمامنا... والأب نجده خارج البيت يعيل ويهيء السبل لراحة أسرته...ونجد بعض الأسر الأب فيها بعيد عاطفيآ عن أبناؤه والكل يهابه...أول مايدخل الكل يصمت..عامل نفسه سي سيد...في الآونه الأخيره دور الأب تغير أصبح زى الأم وأكثر والأبناء يميلون له أكثر ومافيه خوف فيه إحساس بالامان معه... بحكى لكم حكاية والدي رحمة الله عليه...كان رائع بكل ماتحمله الكلمة من معنى..لا يمت للآباء القدامى بصلة... مثقف متفتح صريح يبوح بكل مافي خاطره لنا متواضع ...عادل بين الولد والبنت..والصغير والكبير...أخذ كل العائلة معه لخارج السعوديه عشان ياخذ الماجستير والدراسات العليا فكانت فرصة حلوة لتماسك أسرتنا أكثر هناك...كان يهتم بكل صغيره وكبيره بحياتنا دراستنا صداقاتنا علاقاتنا ككل... كنا نجى من المدرسة نحكى عليه كل شيء حتى تفاصيل صديقاتنا...كان زي الصديق لنا.. فعلآ أب ولا كل الآباء..رجعنا للسعوديه ومعاملته ماتغيرت ياخذ مشورتنا قبل مايقرر بأي حاجه...قبل كم سنه مرض بالسرطان أعاذنا الله وأياكم منه.. تحولت حياتنا لحزن وكان الله يرحمه يقول لنا لازم أعاملكم معامله سيئه عشان لما أموت ماتحزنون علي...تخيلوا حتى بعد مماته يفكر فينا...وفي رمضان قبل 5 أعوام توفى والدى...كان أتعس رمضان مر علينا في ذاك العام... والى يومنا هذا لا يمكن أنساه... وفي أيام العزاء قالت شقيقة والدي بيجي يوم تسلون وتنسون...والحين أقول بيني وبين نفسي "يبه عجزت أسلى وأنسى" ... عارفين الهدف من قصتى ايش؟؟ ...أبغى من كل واحد وواحده منكم يحسن علاقته مع والده قبل فوات الاوان لا سمح الله ... لانه أغلب العوائل مايعبرون عن مشاعرهم تجاه الوالد أبدآ..وهذا غلط...وأنا شخصيآ آخر شهر من حياة والدي بعدت عنه عشان ماأبغاه يشوف دموعى.. وندمت ندم شديد كنت أتمنى لو قلت له أحبك ومستحيل أنسى كل لحظة رائعه عشتها معاك... وأقوله ماقصرت معانا وبيض الله وجهك.. وعمرنا ماشفنا يوم شين وانت معانا ..ماني شايفه الكي بورد من الدموع والله.. الله يرحمك ويسكنك فسيح جناته ياابوي.. نصيحه لجميع الاعضاء الله الله بآبائكم... لو الأب بعيد أنتم قربوا ولو مايعبر عن مشاعره انتم عبروا ولا يردكم إلا لسانكم قبل فوات الأوان.. الأم زى ماقلت دايما نقولها نحبك وتسلمين وماتقصرين وندلعها... لكن الاب مهضوم حقه...حسنوا علاقاتكم مع آبائكم...وعسى الله يخلي لكم والديكم وكل من يعز عليكم اللهم آمين.. وسلامتكم.:134:.. ... |
الله يرحمه ويحسن مدخله
|
الله يرحمه ويسكنه فسيح جناته
اختي ملامح كلام رائع وهذا هو واجب كل انسان ناحية والديه ان يبر بهم ويراعيهم عافك الباري على هذا الطرح |
ملامح
أولاً رحم الله غاليك وأسكنه فسيح جناته ورزقك برهـ حتى بعد مماته فالبر بهما باب واسع لن يتوقف حتى بعد الرحيل وجمعكِ الله به في مستقر رحته ثانياً : والدي أغلى ناسي هاتِ قدامك التي كم تعبت من أجلي اقبلها وأتأمل قدري أمام عظمتك وأنا منحنياً نحوها شفاك الله من سقمك وألبسك ثوب الصحة والعافية رعاك الله يا والدي فأنت مصدر فرحي وسعادتي أتاملك وأنت تتوكأ على عصاتك وترحمني وأنت بحاجة لي أنا عصاتك التي تتوكأ بها وأنا ثوبك وغطاءك أنا كلي لك حياتي وروحي فداك حفظك الله ورعاك وقدم الله روحي قبلك ورزقني الله برك في حياتك أبي أشتقت إليك !!! ملامح بارك الله في كلماتك وحروفك وسدد الله قولك وأفعالك بهرتني حروفك الرقيقة ورسالتك العميقة وأثرت في روحي بالغ الأثر لا عدمنا روعة طرحك دمتِ بارقة أمل ودي أنا صاحي لهم |
ملامح
رحم الله والدك ووالدي وموتي المسلمين وجمعنا الله وياهم بجنات عرضها السموات والارض اقتباس:
لا يمكن نسيان الام والاب مهما كبرنا خاصه اذا كانوا بالصفات اللي ذكرتيها الله يرحم من مات ويخلي لنا كل عزيز وغالي ويعينا على البر بوالدينا الاحياء منهم والاموات كل الشكر لك يالغاليه على الطرح المميز |
امين ووالديك
شاكرك ع طرحك الطيب طاب يومك الطلالي |
هداك الله اختي ملامح
لم يمض شهر على وفاة والدي ولازلت في صدمة فقدانه اعتبره لازال موجودا غير مصدق وفاته ع ب ر ت ي تحشرجت... ... |
رحم الله الجميع برحمته
اسعدك الله ملامح ولك مني الاحترام |
[align=center][table1="width:95%;"][cell="filter:;"][align=center]
وعليكم السلام ورحمة الله وبركاته الله على المواضيع الجميله والهادفه الله يرحم من مات ويرزقنا بر من بقي ملامح نصيحه مقبوله ولا تحتاج اضافات الله يعافيكي فالحر تكفيه الاشاره تحياتي [/align][/cell][/table1][/align] |
"يبه عجزت أسلى وأنسى" ...
الله يهديك ابكيتني اليوم .. وربي ما انسى ابوي لين ما تروح روحي وكلامك صحيح على الجميع ان يسرع بالبر بالاب والام ايضا بحياته و بعد مماته فهم سبب لدخول الجنه .. كلمات كتبت بمشاعر صادق فدخلت الى القلب ملامح رحم الله والدك ووالدي وأسأل الله ان يجمعنا بهم بجنات الخلد .. دمتِ بود وسعاده ,, |
اقتباس:
آمين ويرحمنا جميعآ أحياء وأموات شكرآ على المرور. |
اقتباس:
اللهم آمين..ويرحم أموات المسلمين جميعآ تسلم أخوي الغالي ومشكور على مرورك وردك منور لا عدمتك. |
اقتباس:
آمين يارب..ويرحمنا جميعآ أحياء وأموات كل الشكر على المرور والرد الرائع والكلمات المؤثره الجميله. |
اقتباس:
آمين يارب..ويرحمنا جميعآ أحياء وأموات كل الشكر على المرور والرد الرائع عزيزتي سهر فعلا النسيان صعب بل مستحيل أكرر شكري لكِ. |
اقتباس:
الشكر لك على مرورك وردك لا عدمتك. |
| الساعة الآن 07:32 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010