|
بروق خير
شاعراً أبدع في شعره وألقاءه قطف من ثمر القصيد وأعذبه نهل من اقوى المعاني وأسمآها الشاعر المعروف ..نشمي حامد المويعزي الحربي .. وقصيدة بعنوان " بروق خير " الضيقه اللي بالصدر عيّـت تـروح حاولـت فيهـا ماقـدرت ازيحـهـا ضيقة صدر كسرى بعد فتح الفتـوح يـوم الأعـادي مانـفـع تسليحـهـا لا وآوجودي يالبـروق اللـي تلـوح مثل السيوف البيـض فـي تلويحهـا بيدين من يروي شبا السيـف الذبـوح اللـي ليـا شـاف العـدا ياويحهـا أليا بدا سيفه يشوح الـروس شـوح ذكّـر علـي اللـمّـع وتكشيحـهـا بروق خير تلوح بالمـزن الصبـوح والريـح دوبـه كـف مـن تلقيحهـا مزنٍ مابيـن الأرض والقبـه سبـوح مثـل الطيـور الكاسـره تجنيحهـا والأرض كبدٍ من ضما الوسمي تفوح فوح الـدلال البيـض مـع تبريحهـا والمزن هل وعل قبـل إنـه يـروح لين الحـزوم السـود بيّـن سيحهـا والأرض صارت كنها البنت الطموح فستانها اخضـر والفـراق مريحهـا فستانها الخضره وخاطرهـا سمـوح وريح الخزاما والشمطـري ريحهـا وفياضهـا مكتظـةٍ فيهـا السـروح اهل البـل اللـي همهـم تصليحهـا من عقب ماترعى الهراس من السفوح اعاضهـا الله بالفيـاض وشيحـهـا ذودٍ ليا عرّض على عيـون الشفـوح تدمـع عيونـه مـن كبـر تفتيحهـا هذا دوى الضيقه وتضميـد الجـروح من عالـمٍ عسـى العزيـز يبيحهـا ناسٍ عن الدرب العدل فيهـا جنـوح وتشـرّح الجثـه بعـد تشريحـهـا والضيقه اللي بالصدر عيّـت تـروح يمكـن مجاديـح السحـاب تزيحهـا |
الله لا يجيب لا ضيقه ولا حزن علينا جميعآ
أبيات رائعه تشكرين عزيزتي على الطرح. |
الله عليك
قصيدة قمة لا هنتي... |
ابيات حلووووووووووه
يعافيك ربي |
ضيقة صدر كسرى بعد فتح الفتـوح يـوم الأعـادي مانـفـع تسليحـهـا لا وآوجودي يالبـروق اللـي تلـوح مثل السيوف البيـض فـي تلويحهـا روعه سلم الشاعر والناقل |
مناهي
سلمتي لنا هالذائقه المميزهـ وسلمتي على الانتقاء الرائع عافاك ربي |
منــــــاهي سلمتي وسلما لنا نبضك واحسااسك الرائع قصيـــده مميزه اعجبتني لجمالها صح الله لساان شااعره وناقلتها لنا باابداع كل الشــــــكر دمتي باالف خير |
مناهي
انتقاء راائع بحق سلمت الذاائقه وسلم الفكر والنبض ود وتقدير ,, |
[align=left]
مناهي صح لسان ناقلها وكاتبها كل الشكر لك يالغلا [/align] |
نقلتي الاروع والابدع
سلمتي على هالحس الشاعري الكبير ذائقه مميزه |
منااهي ..
سيمفونيه ابدعتي باختيارهــا . لاعدمناك . |
أبيآت رآئعه صح لسآنه ونبضه منآهي تملكين ذآئقه عذبه أهنئك عليهآ |
ربي يسعدك
على اختيارك الرائع تقديرى واحترامى |
[align=center][table1="width:85%;"][cell="filter:;"][align=right]
صح لسان الشاعر و رب البيت أبدع ب القصيدة ما شاء الله عليه الوصف عنده مذهل !! مَنَاهِي | سَلِمَت ذَائِقَتُكِ يَ قَلبْ /.. [/align][/cell][/table1][/align] |
| الساعة الآن 01:51 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010