يابوي ...
 

قصيد شاب في والده الله يرحمه ويغفر له ويتجاوز عنه ويسكنه الفردوس الاعلى


[align=center]
الله ولاغيره يعرف الخفيات
الواحد المعبود في كل مله
يفرج لمنهو له ستت سنوات
بين الرجا والياس هذا محله
آيات طه تنقرأ والتحيات
عليك ياشايبن خذا الطيب كله
يابوي لامني تذكرت مافات
الدمع من عيني على الخد اهله
الشعر يعجز عن وصفك والابيات
والمدح يمشي بسيرتك وانت ظله
غيرك لمدحه يطلب اشهود واثبات
والا انت مدحك مايبيله ادله
لك هيبتن منها تعاد الحسابات
ولك وقفتن تشفي كبود مغله
قطعت في درب المراجل مسافات
وصلت للي محدن وصله
ياساسنا ياراسنا ياطيب الذات
ياسيفنا اللي بالمواقف نسله
منك تعلمنا الوفا والجمالات
ومنك عرفنا الطيب دقه وجله
فيك المراجل حاضره كل الاوقات
درب المراجل من سواتك يدله؟؟
قليل هرج ولاتعرف الحيالات
عزيز نفس ولاتعرف المذله
يفداك منهو عايشن بالصقارات
اللي يحسب المال زوده وقله
كان المراجل بالحكي والعيارات
يستاهل الفنجال من كل دله
وكان المراجل بالامور الصعيبات
ابعد عليه من النجوم المطله
بعض البشر لو ينغسل عشر مرات
امشاهده يثر على الكبد عله
ياوسع فرجه من يروم الطويلات>>> اي والله
ذكره في بالي دايم مستحله
اي والله انها من كبار الخسارات
للي يعقد الحبل ثم يحله
ماعاد للدنيا طعم او ملذات
ولشفق على من غاب وان جا مامله
ولاهي كبيرة عند رب السموات
يرحم ويغفر ربنا كل زله
آيات طه تنقرأ والتحيات
عليك ياعود خذا الطيب كله

[/align]

صح نقلك وعقلك وكلك
تقبل مروري

يسلم نقلك وذووقك

لآ هنتِ

ابيات رااائعه


وانتقاء اروع


سلم ذووقك ونبضك




وينقل للقسم المناسب

صح قلبك على النقل الرائع
وعسى يوصل الاهداء

تقديرى واحترامى

لا هنت على النقل الرائع
يعطيك العافيه

لك هيبتن منها تعاد الحسابات
ولك وقفتن تشفي كبود مغله
قطعت في درب المراجل مسافات
وصلت للي محدن وصله
ياساسنا ياراسنا ياطيب الذات
ياسيفنا اللي بالمواقف نسله..

كلي وفاء يسلم راسكـ ع اختياركـ ..

رآآئع’ــه .. ج’ـــدآآآ ...
يسسلموو ..ْ~

لاهنتوا جميع على المرور والاطراء الجميل منكم

عساني ما انحرم منكم


كل اللي اطلبه منكم انكم تدعون لكاتب هالقصيده ان الله يفرج همه بما اصابه من مصيبه

والله لايحرمنا منه

كلي وفاء


سلمت على الانتقاء الرائع


وسلم لنا الذوووق المميز


والله يفرج همه..


كل الشكر لك

تسلم اخوي كبرياء شمر ولاهنت