منتديات بعد حيي - قصائد أهل جبه في فهد التمياط

أترككم مع بعض القصائد التي قيلت في الحفل
بالشيخ فهد الأحمد أبو بندر :

http://www.moq3.com/img/up112007/ePo88471.jpg
الشيخ فهد التمياط

http://www.moq3.com/img/up112007/o6l89430.jpg
الشاعر / حمود بن ثعيليق الرمالي

(( سربة التمياط ))

بنات فكري حضرن كلهن شوق .. كلن تقول ودها نبتديبه

شافن وعرفن مقصدي شخص مرموق انه من اللي يعطـي الشعـر هيبـه

تزاحمن يوم آنفتـح بـاب صنـدوق صنـدوق شعـر ذاخـره واعتنيبـه

مثل الذهب في نظرة الفكر والمـوق ولا زهر عشب الفيـاض الخصيبـه

أو نقوة من صفـوه الشمـخ النـوق وضح صفـآ لونـه شـادي حليبـه

والا المهار اللي على صهيهن فـوق فريس تومـان عثـت فـي حربيـه

ظنيتهـن هلـون بالزيـن واللـوق وللمستمع عسـى القصيـده عجيبـه

خذيت منهن زاهي الـوزن والـذوق مثايـل تـطـرب قلـوبـن لبيـبـه

هديتـه لمعـرب الخـال وعـمـوق فهـد مناسيبـه وعريبـه نجيـبـه

فهد سليل احمد له الهـدو مسيـوق هديـه مـالـي ورآهــا طليـبـه

حر رقـا بالمرجلـه رأس شاهـوق ليـث شجـاع بالمـلاقـا صكيـبـه

شهم خلوق ويبغض الكذب والبـوق عـزام جــزام ولا فـيـه ريـبـه

للجـود بحجاجـه مخاييـل وبـروق غيث الصخا بحجاج وجهـة نديبـه

بحجاج للأصحاب والجـار مطلـوق وللضـد بـه نـار جحيـم لهيـبـه

فهد يفوق المدح فـي كـل منطـوق غصب علـى الحسـاد كلـن دريبـه

يزهي عليه المـدح والفعـل ماثـوق ياعـل عنـد الله كبـيـر نصيـبـه

وان جيت ابمدح عزوته صرت مزنوق يسر طويل الليل ما أحصيـت طيبـه

فريس وافعال ماهي زيـف وهلـوق تاريخهم صعب علـى اللـي يجيبـه

أبي اختصر واخذ من أطرافه عـذوق من جودهـم والا الطعـون الرهيبـه

من فعل شغموم يسوق العدو سـوق مـن سربـة التميـاط والا قريـبـه

ضيدان والا مثـل ضيـدان شالـوق فـي حربـة مـا ينتعآلـج صويبـه

يوم السعد يلفـح جناحـه مطلـوق كـم خيـر عاقـوه واطنـو حبيبـه

والجار معهم فوق حقه خـذا حقـوق يلقـى المعـزه والصـدور الرحيبـه

وختامهـا ندعـى للاجـواد بوفـوق والميـت فآلـه جنـة يهتنـي بـه