من والد الى ابنته 000 رميتينـي بـدار الرعـايـه
 

قصيده
من والد الى ابنته ريوف


[poem=font=",6,black,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]

يا ريوف ياعلّك بحالـي تروفيـن= لاقلّ شوفي وانحنت بـي عصايـه

يمين من نـزّل تبـارك وياسيـن=انك قمر عمري وكوكب فضايـه

أدراك بالخاطر واعاملـك بالليـن=وارجي عسى الله مايخيّب رجايـه

احب من حبك واعادي المعاديـن=وادعي لك الله بالستـر والهدايـه

فقدتك البارح وجريت صوتيـن=هذي وهي ليله وعنـد انسبايـه

كله غلا ياويلي اثر الغـلا شيـن=الله واسالـه لايبـيّـن غـلايـه

من حبها حبيت كـل الصغيريـن=صارت محبتهـم بقلبـي هوايـه

عودتك الممشى على شان تمشيـن=اشد بالثنتيـن واقصـر خطايـه

وليا بكيتي قمت اهلل وتصغيـن=واحيان اغني لـك واردد غنايـه

يضيق صدري لاسمعتـك تونيـن=واجر صوتي من خـلاي بخلايـه

وان جيت ابقفي عنك لدّيت بالعين=الدرب قدامـي واطالـع ورايـه

رد الوفا ياريوف ماابيـه ذالحيـن=ابيـه لـي دارت عليـه رحايـه

ابيه لا منه غـدا الليـل ليليـن=لا اشتدّت الايام واظلـم سمايـه

وابيه لامن صارت العشـر ثنتيـن=اليا اتركونـي عزوتـي واقربايـه

وابيـه لا عـزّوك فـيّ المعزيـن=تدعين رب البيت يغفـر خطايـه

اليا كتب ربـي افـراق المحبيـن=ثم ادفنونـي لابتـي واصدقايـه

توك صغيرة سنّ مانتيب تدريـن=والعالـم الله وش تكـون النهايـه

اما التفتي لي وزيـن علـى زيـن=والا رميتينـي بـدار الرعـايـه

[/poem]

قصيده جدآ مؤثره 0 وتقطع القلب 0
تسلم يدينك شاعرنا على الأختيار 0
يعطيك الف عافيه 0

سلمت على الانتقاء الرائع


والله يجعلنا من البارين بوالدينا..


صح كلك ولسان شاعرها


لاهنت

وليا بكيتي قمت اهلل وتصغيـن
واحيان اغني لـك واردد غنايـه

يضيق صدري لاسمعتـك تونيـن
واجر صوتي من خلاي بخلايـه

وان جيت ابقفي عنك لدّيت بالعين
الدرب قدامـي واطالـع ورايـه


مؤثـــره حيل حيل
ربي يخلي لي أبوي ويرزقني بره

عقآب النهآر

بكل إنتقآء أنت مميز
يسلم قلبك يالغآلي

يالله
يارب لاترميه عن حيله
شقيت قلبي والله مادري
وش أكتب..
شيبت بي
صح لسانه
وتسلم يمينك من كل شر
قصيده بالصميم وبالعلالي
دمت فخرا للمنتدى

ابيات محزنه ومؤثره حيل

عقاب النهار

سلمت من كل شر
وسلم فكرك ونبضك
وسلمت يمناك ع الانتقاء
ويعطيك الف عافيه ..

شل الحل بغيابك
نورتى بتواجدك

تقديرى واحترامى

رآآئعــه جدآآ ..
مشكور اخووووووي ~

قصيده الرائعه
عقاب النهار
الله يعطيك العافيه ع نقل

تشرفت بمروركم جميع
ربي يسعد قلوبكم
ولاخلا ولاعدم

تقديرى واحترامى