بعد خمس سنين مرت آه أنا بالسوق شفته..

صدفه جابتني لدربه من بعد خمسة سنين







والله إني من سمعته كلم البايع عرفته..
إلتفت بلهفة اللي حيل مضنيها الحنين..
لكن الصدمه عظيمه شايل.ن بيديه بنته..
ومعه أم البنت تمشي شابكه فيه اليدين..
وقتها دارت بي الدنيا وحزني ما احتملته..
حارت دموعي وأواسي نفسي: يا (نور) ;اليقين..
وصرت أفكر يعني يعرفني مثل ما أنــا عرفته..
وإلا ناسي قلبي اللي مارضى بغيره ضنين..
دق جواله ونزل من على الاحضان بنته..
وخثعت بنته ونادى: نور لا لا توقعين..
قمت أناظرها ودمع احتار بعيوني ذرفته..
استوت هالدنيا عندي عادي لو موتي يحين..
انحنيت أبوس نور وخدها الايمن لمسته..
التفت لي وقال لي: ياهيه فيها وش تبين..
قمت أتجاهل واسوي نفسي كني ماسمعته..
قال: يااختي ابعدي عنها ولاتستهبلين..
ويوم قرب لي, بعيني من ورا البرقع خزرته..
وإنكسر صمتي وقلت: الله على الدنيا يعين..
طاح جواله, تلعثم قال: أنا بحلم.ن حلمته..
وإلا واقع فهميني ليه عني تبعدين..
ليه عني ماسألتي وأنا هذا الكون بعته..
لجل عينك ياعيوني وما أظنك تجهلين..
أنا من بعدك يا نوري:) حتى طاري العرس عفته..
ناظري فيني وشوفي كيف من بعدك حزين..
والله إني ما أنام إلا وماضينا ذكرته..
أنتي وحدك من جعلتي قلبي القاسي يلين..
أقسم بربي غلاك بيوم ماعمري جحدته..
ماإلتفت لبنت غيرك ما سمعت العاذلين..
ماسهجت دروب غيرك دربك اللي بس سهجته ..
وش أسوي لجل ياروحي كلامي تصدقين..
حتى شوفي هذي أختي تشهد بصدق اللي قلته..
وهذي طفلتها على اسمك اسمها وتستاهلين..
صدقيني مانسيتك حبك الصادق حشمته..
حتى حرف النون منك باقي له بإذني رنين..
قلت: ....... , قال: سمي, قلت: أنا والله صنته..
حبك اللي كان أصفى من ورود الياسمين..
كم طلبني واحد.ن غيرك وأنا لجلك رفضته..
وكم تحملت الغثاء واسمع شماتة شامتين..
وكم لجل عينك بكيت وحتى ليلي لك سهرته..
حيل ذابحني غيابك وفرحوا بي الحاسدين..
وأنت تدري بأن حبي ماأبالغ لو وصفته..
بأنه أصدق حب يحصل في حياة الصادقين..
قال لي: يا نور ربي يشهد بدمع.ن نثرته..
ويشهد إني وافي لحبك و لاسرارك أمين..
إرجعي لأبوك قولي: نصفي الثاني وجدته..
و احتريني جايب.ن مهرك ودبله باليمين..
إبتسمت وقلت في نفسي حرام إني ظلمته..
ثم طلعت من المحل والفرحه بعيوني تبين..
وقمت أتمتم في طريقي: هذي أخته , هذي أخته ..
وآآه يازين الوفاء لاصار بين العاشقين


وسلامتكم...
منقول مع تغيير بسيط..:)

المشاركة الأصلية كتبت بواسطة على النيه (المشاركة 1015194) وآآه يازين الوفاء لاصار بين العاشقين شطر جميل جدا نور انتقاء رااائع سلم احساسك ونبضك ..

المشاركة الأصلية كتبت بواسطة همس القوافي (المشاركة 1015205) قصيدة رائع وانتقاء اروع اهنيكِ علية سلم نبظك واحساسك تقبلي مروري تحيتي.

المشاركة الأصلية كتبت بواسطة حـــــلا (المشاركة 1015238) تسلمي اختي نـــــور الدنيا قصيده تــــــهبل والله هذا الحب الصحيح بعد خمس سنين وما نسو بعض

المشاركة الأصلية كتبت بواسطة كبريــاء شـــمر (المشاركة 1015254) انتقاء رائع يسعد لي قلبك وؤرؤحك على الذوق دمتي بالف خير تحيااااتي لك

المشاركة الأصلية كتبت بواسطة الحل الصعب (المشاركة 1015370) وقمت أتمتم في طريقي: هذي أخته , هذي أخته .. وآآه يازين الوفاء لاصار بين العاشقين وانا اشهد... ياحلو الوفاء مو بس بين العاشقين .. قصيده من اولها لتاليها فضيعه .. نووور,, لاتحرمينا مثل هذا الانتقاء.. لاهنتي ولا هان شاعرها..

المشاركة الأصلية كتبت بواسطة شيخة الزين (المشاركة 1015381) رؤؤؤؤؤؤؤؤؤؤؤؤعه نور وربي شوي واااصيح يسلمممووووووووووو