هذي هي الدنيا حظوظ وتوافيـق
امـا وطـاك الحـظ ولا وطيتـه
تعيش في غيبوبه الوقـت وتفيـق

شـي تذكرتـه وشـي نسيـتـه
بس الوكاد انه بعد نشفت الريـق
مالك سـوا بنيانـك الـي بنيتـه


والضيق كل انسان به هم و به ضيق
ولاكل واحد يسألـك بـه طريتـه
السـد خلـه دايمـا فالصناديـق


http://ra7alksa.com/up/uploads/image...9df4b807c0.gif

من شأن ماتصـدم بشـي هقيتـه
والحب لعبه حظ بين العشاشيـق
امـا نحتـه نحـت ولا محيـتـه


وتبي الصحيح الي عليه المواثيـق
الحـب حلـق شاربـي لالقيتـه
والطيب فعل وله دروب وطواريق

وسـوه لوجـه الله لامـن نويتـه
وفعلن مهو لـك لاتلفقـه تلفيـق
الحق يظهره الزمـن لـو كميتـه

http://ra7alksa.com/up/uploads/image...9df4b807c0.gif

كم واحدن صيته بروس الشواهيق
ولاتسـرك سمعتـه لانصيـتـه
وكم واحدن ماسمعته سمعت طويق


لكـن يقـوم بواجبـك لانخيـتـه
والي يحمل طاقتك فوق ما اتطيق
الي يلومك خبـل لـو ماعطيتـه


ياكثر مامـروا علـي المطافيـق
وانا الخطا مـن يمهـم مابديتـه
لو كنت ادقق في خطا الناس تدقيق

http://ra7alksa.com/up/uploads/image...9df4b807c0.gif


ماكان حب الناس فزت وخذيتـه
كم مطلبن حاولت اسوقه ولاسيـق
حاولت به لكن عجـزت وجفيتـه


واضك همي ضك ييـن المعاليـق
خلـه مـدام ان المعاليـق بيتـه
الرزق عنـد الله رب المخاليـق
ماهو مخيب رجوتـك لارجيتـه