ياعيدصرنا نهني على شان الناس ماتشره
 

ياعيد : كان السحـاب يغسّـل ايدينـا
واليوم يـا عيـد مايحمـل ولاقطـرة!

ياعيد : كـان الشتـا يدفـى بأغانينـا
واليوم مايدفي اضلاعه سـوى العبـرة


ياعيـد عشنـا طفولتـنـا بلياليـنـا
طفولة الحـب يـوم الله كتـب عمـره


لا حِسْد لا زيف لا كـذبٍ نبـت فينـا
نقـول :لا,للشتات.ونحفـظ العـشـرة


صغـار واحبـاب والدنـيـا تمنّيـنـا
ومن الجهالـة تمنيّنـا نصيـر اسـرة


طفلٍ وطفلـه وفـي كـم عـام شبيّنـا
وشبّت بنا احلامنا اللي جت على الفطره


وياليتنـا ماكبـرنـا يــوم حبّيـنـا
ياليت من حبّ مـا يستعجلـه عمـره!


حـلّ الفراق-ودعيـنـا الله يدنيـنـا
من بعضنا البعض رغم البعد والهجـرة


رغـم القيـود اللـي ألتفّـت حوالينـا
اللي فرضها علينـا النـاس والقـدرة


يـاقــدرة الله والله ماتنـاسـيـنـا
الحـب تـوّه غريـر وليّـنٍ ظفـره!


الله ياعيديومـن كنـت تلفينـا....
وقت الطفوله بثـوب العيـد والغتـره


كنت اجمل من الهـدوم اللـي تغطّينـا
واحلى من السكّر اللي يغمـر السفـره


وازكى من النفحة اللـي فـي ايادينـا
واطيب من الطيب والريحان والزهـرة


ياعيـد لـو جيـت لا تنسـى تعزّينـا
في موت حلمٍ محاه الوقت مـن صُغـره


حلـمٍ توفـى وهـو يبكـي وينعيـنـا
بكى نهار النوى حتى انفجـر صـدره!


ولونـا ضحكنـا وجاملـنـا اهاليـنـا
نضحك ونمزح وكـلٍ داخلـه جمـره


ياعيـد لا تخدعك ضجةتهانيـنـا
حنّا نهنّـي عشـان النـاس ماتشـره

الله واكبر
على الانتقاء العذب عن جد لامست الشى الكبير
العيد
له نكهه لكن
احس انتهى زمانه
يارب رحمتك
ربي يسعد قلبك
وتميز كما عهدناه منك لاتجودى الا بالاروع والافضل
صح قلبك ولسان شاعرها

تقديرى واحترامى

الله علييييييييك

وربي كلمآآآآت روعه

سلمتِ غلاتي ع الطرح المميز

لاتحرمينا جديدك

لروحك بساتين الجوري

انتقاء اكثر من رائع
وليس بمستغرب
اوصاف الذهب عافاك الباري على هالذوق

انتقاء فائق العذوبه

كلمات راقت لي حيل

اهنيك على عذوبه انتقائك

كلمات قمه في الروووعه

مشكوووره ويعطيج العافيه

انتقاء رؤؤؤعه

يسعد لي قلبك على الذووق

وصح كلك ولسان الشاعر

تحيااااتي لك..