منتديات بعد حيي - | | بس قلهآ .. قول آسف .. قول آسف .. !

http://www.a7ssass.net/uploads/12858159369.png

قول آسف ..!!
وآنا قبل الـ آآ بَسَامح ..!
قول آسف..!!
وآنا قبل الـ آآ بنادي كل همِّي وأنحره..
قول آسف..!!
وآنا قبل الـ آآ بنادي ليل بردك..واسهرَه..
قول آسف..!!
وآنا قبل الـ آ بَطَيِّر كل ضلعٍ من مكانه..
عاد..تدري..؟
أنت أصلاً ما خَطِيت..
بس محبوبك..يدوُّر لإعتذارك..
لـ ا نتثارك..وسط..روحه..
مثل سَبحة..
لا تَنَفَّس..سَبَّحت..أغلب جروحه..!
قول آسف..!!
لجل يفزز كل عطرٍ من ثيابك..
لجل يحس.. بشي منك..
شي يحرق
شي مثل البحر يغرق..
شي ماله..أي داعي..
شي ماله أي صرفه..
بس قلها..
قول آسف..!!
وآنا قبل الـ آآ بَسَامح..
أمس.. شافوني.وغابوا..
مَدري غِبت..وشوَّفوني..
جرح أكبر من خيانة..وابتسمت..
ماهي كل الناس خانت....يعني..بتوقف عليك..!!
ماهي كل الناس عانت....يعني بتوقف عليّ..!!
والله عادي..
آنا واحد كنت أخونك..
كنت أشم الصبح هذا..
كنت أضم الحزن هذا..
كنت أبوس جروح كفك..لا تبادا خنجرك..
لا توارى في حبيبك..
مثل طفلٍ من لهيب الشمس هارب..
ما يهمك..
بس خلّك..في طقوسك..
ألف طعنة بألف...آسف..
وآنا قبل ال آآ أبنزف..
بس قلها..
والا تدري..
هات ليلك..
ودِّي أجمع ما تيسر من نجومك..
لجل بكره...!! خوف تخْفِيها..غيومك..
وآنا ساهر
ماقهرت الا عيوني..
ما نهرت الا جفوني..
دون ما أرمش..
قال أرمش..
منهو أصلاً.. قال ابرمش..
السما..وجهك..وعيني..!!
صرت كلِّي ألف..عين..
حتى بيديني أشوفك..
حتى بظلالي أشوفك..
قلت لك حتى ظلالي..
يعني كان الوضع قمرا..
يعني وجهك..جاب ظلِّي..
كيف أحاول واحضنه..؟
خايف ان الغيم هذا يمتحني..وما أشوفك..
بس عادي..
حتَّى بالنية..اشوفك..
بس قلها..
قول آسف..
وآنا قبل ال آ بضمك..
بس قلها..
قول آسف..قول آسف...!!

قصيده لآمست إحسآسي
وأتمنى أن ترتقي لذآئقتكم

لكم كل الوود

http://www.b3b7.com/vb/images/icons/smile35.gif