ليت روحي من هموم الهوى مستريحه
 

[poem=font=",6,orange,bold,normal" bkcolor="black" bkimage="" border="double,8," type=2 line=0 align=center use=ex num="0,black""]

ليت روحي من هموم الهوى مستريحه=وليت فكري تمهل قبل ياخذ قراره
وليت قلبي سمع للي عطاه النصيحه=وقال الاريام باعد عن مدارج مطاره
قبـل يسري على اللي نافلٍ في مديحه=ابـيـضٍ في دروجه رخصة واستماره
يـبـعـد اللـي يسوقـه عن غـثـاه ويزيحه=له سيـورٍ اليا دار الـعـمـود استداره
تدفعه مع سباريت الفجوج الفسيحه=لادعـس له براس الصبع يقدح شراره
كـفخـة اللي بروضٍ فايـحٍ ريـح شيحه=عقب ماسمـعت البارود بالروض ثاره
من كـرم خـالـقٍ يـمـنـاه ماهـي شحيحه=رازق اللي يبيت شهور وسط الجحاره
ولاطوى الخرج وعيون الخلايـق مريحه=غـيـر عـيـنٍ تسـاوى لـيــلـهـا مـع نهاره
ثم عـدى حـرض والفجـر مافاح ريحه=فاح قلبٍ بوسط الصدر يشكي دماره
وانطلق مـع سباريـت الفجـوج الفسيحه=بالـهـبـايب تـسـد الـدرب عـجـة غباره
والضحى عنـد ابوسمرا وروحـه جـريحه=راحـلٍ عـن عـشـيـرٍ غـثـــنــا بانـتــظـاره
الهوى صار لعيون الهواوي فضيحه=ويل قلبٍ غريرٍ يقترب من مساره
دام الاريـام ماهي بالمحـبـه صريحـه=حطت الغدر بقلوب الحبايب شطاره
كيف صار الغرام اليوم رقم وشريحه=مع هنوفٍ غـدى جـرح الضماير شعاره
[/poem]