منتديات بعد حيي - سلامتك يا غلاهم

بسم الله الرحمن الرحيم

إهداء لكل مريض من الله عليه بالشفاء

مما راق لي تصفحه

أنثره فرحاً وشكراً لله عز وجل

http://www14.0zz0.com/2011/04/27/09/981444993.jpg

سلامتك يا غلاهم من كل شر (ن) وعلّه
سلامتك يا الرحومه عساك دايم بخير

عسى المرض ما يجيلك في باقي العمر كلّه
يا اللي وجودك ينور حياتنا وتستنير

طهور ما صاب قلبك دق المرض والا جلّه
كل (ن) يصلي ويدعي كبيرنا والصغير

جعل المرض يزهد بها وقلبها ما يدلّه
ويفرّح قليب ويجبر جناح (ن) كسير

نحمد إله (ن) شفاها .. وسل المرض منها سلّه
ما خيب اللي ترجاه .. في كل مده غزير

جينا نهني ونبارك وننثر زهور (ن) وفلّه
افراحنا كالمداخن يفوح منها العبير

نقطف ورود (ن) وجوري ونصفها وسط سلّه
ونغلف اغلى الهدايا وعليها كرت (ن) صغير

نكتب في وسطه بزخارف عبارة ( الحمدللّه )
اللي شفا اغلا الخلايق بقدرة اللي قدير

ننظم حروف القصيدة في ذكر من لا نملّه
الوالده من غلاها .. لها مكان (ن) كبير

وانتِ يا عزيزٍ .. وبعيد عن كل زلّه
مهما فعلنا من اجلك يبقى فعلنا قصير

راقت لي كثيراً

أسأل الله ان يشافي كل مريض

اللهم رب الناس
أذهب البأس
إشفِ انت الشافي
لا شفاء إلا شفاؤك
شفاءٌ لا يغادر سقماً

أناصاحي لهم