منتديات بعد حيي - احد يقدم في يمينه كتابه :واحدٍ كتابه بالشمال

[align=center][table1="width:95%;background-color:black;border:6px double red;"][cell="filter:;"][align=center]
ياعبيد واسمع جابتى لاتغوا به
هديةٍ من والدٍ منصح لك
ياسرت في ليلٍ كثير ضبابه
اتبع طريق اللى طريقه يدلك
وجنب عن اللي مثل طبع الزلابه
لو كان بايام الرخا جايزٍ لك
ماهو سليمٍٍ لو ضحك لك بنابه
يقضى بك الحاجة وثم يحبل لك
ورفيقك الصاحي تحمٌل عتابه
خله أليا شان الزمان افزع لك
ولا تستمع لمفرقين القرابه
تكره طويلين الشوارب محلك
الحكي هو ساس الدبور وذهابه
ملزوم عن حزمة غصونك يفلك
ويمنى ً بلا يسرى كثير عيابه
والرمح يا اخطت حربته ماطعن لك
والسيف ياخلت يمينك انصابه
تهت وتبين للمخاليق ذلك
ولا بد من يومٍ تعاوى الذيابه
وكانك ضعيفٍ مقصدك مايحصل لك
ياقام كلٍ يفتخر في حرابه
خل الحراب الفاريه مسهم لك
ورم المعالي والخطر لا تهابه
لو وسط غبات البحر يذكرن لك
موت الفتى بالعز عز ونجابه
يسوي الحياة اللي زمانه يذلك
وانص البيان وكب عنك الخرابه
وبالك تقارب واحد يستملك
الحر مسكانه عوالي هضابه
وابا حقب بارض الطمان ايتدلك
من لاادرك الطولات بأول شبابه
خاب وخسر بالمرجله ما تملك
ولاتحسب الدنيا دوام خصابه
الغيم يمطر والوطى زاهي لك
ياسرع من عقب السكو ن انقلابه
لاتوهمك لذة ليالٍ صفنٍ لك
لابد ما تقضع صديقه بنابه
لازم توريه الطنا لو تفلك
جميع تاريخه قرينا كتابه
ناس بها ترحل وناس تملك
وروح الجواب اللي ضميري هذا به
نصايح من عندنا يصلحن لك
ياالله يا منشى روايح سحابه
يا واحد كل الملا راجع لك
تجعل لنا ذا الوقت عر ومهابه
وبالاخرة في مامن حدر ظلك
يوم ان كل مستمر حسابه
يرجون عفوك والبصر شاخص لك
احد يقدم في يمينه كتابه
واحدٍ كتابه بالشمال وتهلك
[/align][/cell][/table1][/align]