كان راي الجماعه بالشدايد سوى
 

[poem=font=",6,orange,bold,normal" bkcolor="black" bkimage="" border="double,8," type=2 line=0 align=center use=ex num="0,black""]

كان راي الجماعه بالشدايد سوى=غاب شره ونجمه بالدهر مايغيب
وان لقيت المشايخ له طريق وهوى=وصار هـذا لهذا بالمواقف حريب
وكان قالوا لراع الراي مالك لوى=ضاع راي الجماعه بالزمان العصيب
وكان ذيب العداوه بالجماعه عـوى=انحدر بـه نصيبه في مثاني قليب
والطبايع دليل القلب باللي حوى=ترشدك قبل تنزل في مسيل الشعيب
ومن يجامل عزيز بالسوالف غوى=سجل اسمه بضباط الجـهـاله نقيب
وجمرة الحسد ماله بالخـلايق دوى=وكل جرح يداوى غير جرح القريب
ومن بغى كتم حقده بالحشى ماقـوى=صعب يخفي بثوبه عن ربوعـه لهيب
ماتفيده علاجات العرب لو كوى=ولو سقيته شراب فيه قروة خطيب
وكل قلب من عـروق الرحامه خوى=صار ماله من الرحمن حـظ ونصيب
وكان جذع الغرايس بالشتاوي ذوى=ارتحل لين تسكن في مكان خصيب
ومن نوى الراي يجزم قالـتـه لا نوى=ومن تردد برآيـه فالعزايم تخيب
وراوي الهرج يثبت للعرب ماروى=قبل يدعي ويلقى الناس ماتستجيب
[/poem]