ماكلّ شقٍّ .. مداه السلك والإبرة ..!
 

مدري بكى حلم ؟ .. مدري ليلةٍ غبْرة ؟
نسيوني أحباب ولاّ ضاعت أخباري ؟


هي إتدبّر ؟ .. أو أقفَت مابها دِبرة ؟
ليت الليالي تقدّر غربة الساري


مدري من اللّي من الثاني نفذ صبره ؟
لا يازمن .. من هو البايع من الشاري ؟


لا الوجه وجهك ولا النبرة هي النبرة
مدري .. ولكن طرا لك يازمن طاري


ماني بجاهل على الشدّات .. تختبره
تشتدّ ياوقت .. وإصراري هو إصراري


بالقلب ما تعرف العبرة من العبرة
وبناظري غيمةٍ ما تمطر أسراري


خلّيت الأحزان بأقصى القلب منثبرة
ياكثر كذبي على نفسي وأنا داري


قم ياقصيدٍ يعزّي لا إنتثر حِبره
إليا حداني زماني تفزع أشعاري


وإن بار فِيَّه رفيقٍ كنت معتبره
أغلى من الروح .. ما نّزلت مقداري


والله لو ردّ هاك الحبّ من قبره
مارِدّ له .. لين تبرد غلّتي .. ثاري


ماكلّ شقٍّ .. مداه السلك والإبرة
وماكلّ عينٍ .. تجامل جرحي العاري


إمّا يقولون .. طاح الضلع .. من كبره
ولاّ يقولون .. ماهو للوطى ضاري


كلٍّ تكلم وكلٍّ خابرٍ خبره وبكره ..
يبين الصحيح .. إن سهّل الباري


البارحة ضقت .. وأثر البارحة غبرة
مدري بكى حلم ؟ ولاّ ضاعت أخباري ؟

صح لسان شاعرها الرشيدي
جود سلم ذوقك الراقي سطور ارتقت لذائقتي االشعريه انتقاء موفق شكرا من
الاعماق امتعتيني بحق احلى ذوق.

اح ـترامي

سلم شاعرها وناقلها
تقبلي مروري
واحترامي

قصيده رائعه صح لسان شاعرها

أبيآت جميله واحساس عذب
صح لسان
شاعرها وسلمتي ياجود لذائقتك

كلمات في قمة الروووعه والجمال

كل الشكر لج ياااذووق

ذوق ذوق
سلم العقل اللي اختار
وسلم من قالها

صح لسان شاعرها وناقلها
الف شكر
ع
جهودك اللامحدود

انتقاااااااء راقي ياراقيه
كل الود
والتقدير

جميعاً

شآكره لكم طيب توآجدكم .. وتوآجدكم الرآقي

تقديري لكمـ ..


جــود

:

آرق المعاني..وآعذب الاسلوب
فلكِ دوام التميز ..والابداع..والتآلق ..عنـــــوآن
تكون اطروحآتك هنا كقطرآآآت النــــدى الرائعه
دمتِ بخير

:
: