منتديات بعد حيي - قم هات لي مثلك وانا انساك هالحين

[align=center][table1="width:70%;background-color:black;"][cell="filter:;"][align=center]
http://files.fatakat.com/2009/12/1260828522.gif http://files.fatakat.com/2009/12/1260828522.gif
ماهو على كيفك تقول انس وانساك ** قم هات لي مثلك وانا انساك هالحين
قم هات لي واحد شبيـه بمزايـاك ** مثلك تغيـر فيـه كـل الموازيـن
وادري محـال تحصلـه واتحـداك ** لو درت مابين الحظـر والبداويـن
ياللي مجرد ضحكـةٍ مـن ثنايـاك ** تعتق لها ارقابٍ ويوفى بهـا ديـن
وياللي مجرد جمرةٍ فـي شفايـاك ** تدفي الفقارى والضعوف المساكيـن
وياللي مجـرد كلمـةٍ قالهـا فـاك ** تعمل بها حساب ورصيد وملاييـن
وياللي مجرد سلهمت رمش عينـاك ** يبصر لها الاعمى وتعمي البصيرين
وياللي مجرد وقفتك مـع سوايـاك ** وقفة زعيـم مايهـاب السلاطيـن
وياللي مجرد رتم تمشي به اخطاك ** بالهندسه ماحصلـو لـه قوانيـن
وياللي مجرد طلعـةٍ مـن محيـاك ** كنك شعاع الشمس بيـن المغيبيـن
وياللي مجرد لاتنهدت انـا افـداك ** ترمي الطيور الحايمـه بالبساتيـن
ياللي انت نادر فيك حتى خطايـاك ** ياللي انت الاول والخليقه وصيفيـن
انت اجمل اجيالـك وجيـلٍ تعـداك ** وانت اجمل العالم الى ساعة الديـن
وانت الوطن في غربتي,وانت ذكراك ** هي غربتي وسط الوطن والقريبيـن
وانت المرض مالك شفا غير بدواك ** ياخلطة الرمـان والخـوخ والتيـن
سببت لي من زود ما احبك اربـاك ** من وين مدري وين رايح على وين
احيان اشمك واشربك شرب واظماك ** واحيان احسك منطبع داخل العيـن
واحيان اشوفك ثم اضيعك (والقاك) ** تسري مع الدم الحمـر بالشراييـن
واحيان احس ان القدر يوم نـاداك ** قصده يذل قلـوب نـاسٍ عزيزيـن
الموت بين عيونك السـود منحـاك ** والقبر بين اشفاهك الحمـر يبغيـن
عشتك غرام ومت في عشق لامـاك ** شفتك سماي وشفت فيك الاراضيـن
في ذمتـي ماعـاد تسـوى بليـاك ** دنيا ملاها الهـم والبعـد والبيـن
ادمنتك بشرهه وصـرت اتعاطـاك ** وشلون ابترك حاجه ادمنتها سنيـن
وتوك تجي هالحين تبغاني انسـاك ** اصبر لي حتى الموت وانساك بعدين
http://files.fatakat.com/2010/3/1267838901.gif
[/align][/cell][/table1][/align]