أثر الفراق هموم ماهيـب تنطـاق
من ويـن مالديـت وجهـي تلـدي
ضاقت بي الدنيا وصدري بعد ضاق
ودي أشق الجيب مـن ضيـق ودي
أفكار تشقيني مـع الليـل تنسـاق
وأفكـار لا زادت همومـي تهـدي
أضحك وأسولف كن مانيب عشّـاق
وأنا قتيل العشق مـن فعـل يـدي
والعشق كم دمّر وكم نشّف أريـاق
وكـم عاشـقٍ صـد وتنـدّم وردي
وكم عاشقٍ متعب ورى خلّه الساق
حبل الوصل يرخيه نـوب ويشـدي
وأنا سماء جـوّي غيـومٍ وبـراق
هبّت عواصفهـا ولا بـه مصـدي
عقب التواصل واللقاء عقب الأشواق
ظروف وقتي صارت اليـوم ضـدي
بانت بوادر هجر وجروح وأرهـاق
ودمع الفراق وسهر ليـل وتحـدي
ولو قلت أبصبر عنه مانيب مشتاق
أنا أشهد أنه كذب ماهـوب جـدي
وشلون بصبر والغـلا فيـه دفـاق
وطيفه مخاوينـي يغيـب ويـردي
أما يجي ويصيـر للقلـب تريـاق
وإلا يـروح ودمـع عينـي بخـدي
الليله هـذى بعثـرت كـل الاوراق
حاولـت اعديهـا وعيـت تعـدي