اول شي نسويه نجهز الشاهي والقهوه قبل الصلاه
نحط قهوتهم بالدلال ونجهز الفواكه ونحطه بالصينيه ونغلفه
ونحطه بالمجلس ونحط الدخون
ابوي يصحى ونجتمع نتقهوى وناكل تمر اتباع للسنه
ونروح نصلي بمسجد العيد ويكون معنا عيديات نوزعه ع الصغار اللي مع امهاتهم
نرجع للبيت وعلى طول للمطبخ نطبخ الذبيحه لان الاجتماع عند ابوي
وبما اننا بقريه يجتمعون عندنا اللي جايين من حايل
ونتغدى وبعد الغداء نجيب المسجل ونرقص هذي لازم نسويه حتى العجز يقلن
ليه ماترقصن وبعده تروح امي تعايد عماته الكبار اللي مايقدرن يطلعن
وثاني عيد نقضيه من بيت لبيت سلام واكل وفله ووناسه عاد
ماننسى الطرطعان>>المفرقعات
هذي زينة العيد عاد نتفنن كل وحده تجيب شكل صرنا اقشر من الصغار
وصح نسيت بالعيد لازم الخضاب>>>الحناء
يازينه باليدين ويازين ريحته
هذا عاداتنا بالعيد
|