أحس أني وسط ليل(ن) طويل ناسي(ن) فجره
أعيش بظلمته وأسرح بأفكاري إلى المجهول
أفكر وأنتظر صبحي الجميل الباسم وعطره
وتصدمني هواجيسي ولا ألقا لهمي حلول
أنا مليت وأحساسي معاك أرهف من الشعره
وألوم القلب لكنه يعاند وأنت المسؤول
أريد أبكي على قلبي وتخنقني أنا العبره
وأحس بدمعتي الحاره على محجر عيوني تجول
تبي تنزل وأعاتبها تقول أشفيك مغتره
وأقول الصبر يادمعه أنا وأنتي نخل وخيول
أنا ياليل وش ذنبي تصبرني على الجمره
وتجبرني على همومك أعايشها بعرض وطول
أهوجس وأحسب النومات وقلبي يلتهب جمره
وأضيع حسبتي وفكري على باب الوصل مشغول
أنا ياصبح أترجى طلوعك والأمل بكره
أريد أتكحل بنورك وليلي ينجلي ويزول
حقيقه أو سراب أنت،،أنا مدري وش الفكره
أنا صبري بدا ينفذ وأخاف إنك أمل مقتول
أريد تعيد لي وقتي بليله وشمسه وفجره
أريد أعرف أنا منهو. .أريد تفسر المجهول