ان مــال وقـتـه عـنـيـد ومـيــل عـقـالـه؟
وانـــا عـنــادي خــبــال وخــبــل بـعـنــادي
واخبـل خبـل مـن عنـادي يـاخـذ خبـالـه
نــعــم بــــدو وانــتــم الـتـالـيـن يـالـغــادي
والجاهـل مثلـك نعلمـه ونعلـم اشكـالـه
معنى بدو: من بدا ومعنى بدوي بادي
يـعـنـي بـديـنـا الـعــرب رجــلــي وخـيـالــه
اجــدادي الـــي بـنــوا لايـامــي امـجــادي
تاريخـهـم هـــو قـــدوع الـوقــت ودلالـــه
وش قــرب اجــدادك الهافـيـن لاجــدادي
مـتــى تـســاوت حـريــم الـــدار بـرجـالــه
لابــوك وقــتٍ يهـيـن الـحـاضـر الـبــادي
ولابـــو زمـــانٍ يـــدوس الـحــق بـنـعـالـه
حنـا الطنايـا الضيـاغـم عــد يــا عــادي
حـنـا " السناعـيـس شـمــر" دل يـادالــه
بيبانـنـا دايــم تحتـمـي لـلـجـار وتـفــادي
ورضيـعـنـا يـنـحـنـي لـلـضـيـف بـزمـالــه
والطـيـب ذود( وشـمّـر ) كـلـهـا حـــادي
تـرعـاه مــن فـيـضـه لفـيـضـه وتـحـدالـه
يـافـرقـنـا لــــو تــقــول بـــــلادك بـــــلادي
صوتك مثل أي صوت وصوتـي لحالـه
مـا نسمعـك لـو تجـر الصـوت وتـنـادي
وانــا لــو اهـمـس تـعــج الـبـيـد بـرمـاله