فزيت من نومي وانا هل الاشعار
ماعاد فيني غير الاشعار حيله
شاهدت ليلة عيد من عبر الاقمآر
والقلب زند وهالمشآعر فتيلة
وهليتهاكني حمامه على اوجار
لوقلت جمرن في حشايه قليله
أقول ياربي دخيلك هالاقدار
خلت جميع احلامنا مستحيله
امسيت أبني ناطحاتي على ادوار
وأصبحت كل اللي بنيته نثيله
لوكل حلمٍ لي تحقق بالاصرار
ماكان ضاعت غايتي بالوسيله
ياكثرمن ساقه زمانه على شهار
يموت حسرة وين يشفي غليله
حنا البلا حظن تولته الاشرار
وراحت على دربه بنات القبيله
بعض الجروح دواه تكويه بالنار
وبعض الجروح دواه بأنك تزيله
اليااحتما الموقف وواجهت الاعصار
كلن يبين فالورى من خليله
مافيه شي يلحق البنت بالعار
الا غدا فيها قتيل وقتيله
ياناس ماقطع خفوقي بمنشار
الا خطاة اللي خفوقه دليله
الموت لامنه غشا دم الاحرار
حبٍ على غيرالعوايد فشيله
اما تموت من القهر شمعة الدار
والا تعيش العمر كله ذليله
البنت لاخطت حمّلوهابالاوزار
والرجل لاخطاء ياعرب من مثيله
الرجل ندمح له سوابقه باعذار
والبنت يدمرها الغلط والرذيله
ويمكن تجر البنت في عارها الثار
والرجل يمسح غلطته في شليله
هذا الخليج ونظرته كيف ماصار
يبقى على مر الزمن ورث جيله
للشآعرة / آلجوهرة آلعتيبي