كيف تتعلم لغة اهل حائل لغير الناطقين بها
بسم الله نبدأ
بعد حيي =معناها يابعد كل من لى حى
ياعزوتى=اى الذى اعتز وانتخى به
به=موجود وهى تستعمل بالقاموس القصيمى
بهاه=معناها هنا
العرز=دعوه من دعوات العجز >>> الله يكفيكم شرّها
البلش=مثلها
الشربه= دعوه معناها يدخلك البرد
الميقعه= معناها الصحن الصغير
التفتير= الملاس وهى الاداة اللى يغرفبه (( يشال )) الرز
طخمه=مزيون
طربه=محترم او اخلاق
يزغت=اى يجنن
وويلى=اداة استنكار وتستعملها غالبا النساء
وهشله=معناها الفشيله
اخيه ومسخيه= معناها والله نكبه اى واحد مستحى
اروج= اسرع
ورس=احمرشفايف(روج)
مبرهج=اى مفتوح من الى
مجفى=عكس الكلمه التى اعلاه
حزن(ن) جديد=مصيبه جديده
ازيرق=ى مملوح مثلا هذا ازيرق اى مملوح
يلهله=اقف عند الهاء وهو معناها الشى الغايه فى الروعه
زقم=طير بر ((اى راعى كشتات))
العنه=شدد براطمك على النون ايه كذا ومعناها دويره تسوا من نبات الرمث وتجلس داخلها لتدفى من البرد
زف يزف زفا=وهى حذف يحذف حذفا اى شات الكوره بعيد
يزت=يجدع
يجدع=يرمى
وقال الشاعر:
يابس ياللى ساكن بالبراميل ماشفت خلى يوم يزت الزباله
وشنوحك : أداة إستنكار يعني وش فيك ..؟؟
ياتسبد أبو من لي تسبدك : تقال تعاطفاً مع الغير زي الولد سوى حادث ولا مصيبه
ياليل البعارين : يعني والله هالبلشة يعني ليل البعارن مطّووول مثل ياليل ماأطولك
يالمارج : تقال للداشر يعني الفاسد مثل اللي يشرب التتن (( هههههههههههه ))وهو الصايع
ولكم بعض المداعي وغيرها من الالفاظ
ياملا اللزرين ===== يعني الزرين اللي مثله
ياملا الغاضور ===== مدعاة خاصه بالوغدان
(الوغدان او الوغيدان هم الاطفال 0 ولا يمنع من التفخيم للكبار اللي عقولهم عقول وغدان وينقالهم == اوغدنا)
ياملا ابا دمغه === مرض يضرب الدماغ
ياملا النويفج === النويفج معروف مايحتاج شرح
ياملا الهندري === وهذى نفس الاول
ياملا ابا زوعه === الله يكفيكم شره
ياملا القاهور === اي اللي يقهر الانسان
وفيه غيرها بس ما يحتاج الاطاله
تشاااااااااااااااااااااااااااو
المواضيع المتشابهه: | مشاركات: 4">مشاريع حائل الجديده
منتدى عروس الشمال - Hail | مشاركات: 3">أمير حائل يرعى حفل تدشين عدد من المقرات الأمنية لشرطة المنطقة منتدى عروس الشمال - Hail | مشاركات: 2">أمير حائل ونائبه يرفعان التهاني للقيادة بعيد الأضحى المبارك منتدى عروس الشمال - Hail | مشاركات: 1">حائل: تعليق الدراسة الحضورية اليوم الثلاثاء منتدى عروس الشمال - Hail | مشاركات: 1">الطفل التائه في حائل