للشآعر: سعد معيوف





وحزنٍ ينغمس فيني عبث ويعيدني للطين

وأتمرغ بصلصال الوجود وأنفث اقداري

ثمان شهور والتاسع أغيَر رحلة التكوين

وأترجم مضغتي للجاهلين بلكنة اشعاري

وجودي يعني الروح وغيابي يعني التخمين

اذا غبت (أتخلَق)غيمتين وتسكب امطاري

فراغات النوافذ يالهواء هي خلتك تنـين

وترميني فزع واتلاحقك يا صرخة جداري

نبض فيني وطن/شبه الوطن يستكثر التهجين

أغسَل له صباحات العمر وامشط اسفاري

اغني له ولائي وانتمائي رغم عني لين

يقابلني بنكران الوجود واحزم اعصاري

لان الملح في عرفي شرف ما يقبل التقنين

اذا ذاب يتلاشى كوكبي ويطيش مسباري

قبل لا تحلق الشمس بصباحي بسرق جناحين

وألمَك يا مساي وارفض التطبيع بافكاري

سترت اللي سترت ولا اتحمل من غباك الدين

ولا اقبل بتلويحك وفستان العرب عاري

مشيمتنا يخالطها تمرد يعبر الحدين

مشيمتهم يخالطها تجرد يقذف اسواري

لذا ربيت صوتي للسنين وقلت له بعدين

ورميت بإلتفاته للوراء وسالت اعذاري

وجيت اهرب بجينات الفزع واسربل الكفين

واستنشق بقايا موعدي واطير ازهاري

يا حزني لا تفززني عبث وتعديني للطين

لان مابي كثر مابي وجود يقبل اقداري


رآقت لي ’’’