[glow1=cc0066]
لاتمـد كفـك للكـفـوف الـرديـه = ولاتسوق رجلـك للـذي مايدانيـك
واللـي يجيـك مسيـرٍ فـز حـيـه = وأشر الصديق اللي من الناس شاريك
وخلـك خـويٍ مايخـلـي خـويـه = وافزع لمنهو جاك بالضيـق ناخيـك
واترك صديق السوء لاتصيـر زيـه = وأتبـع رجـالٍ ترفعـك ماتوطـيـك
وخلـك كريـم وافــيٍ بالعطـيـة = والطيـب والإحسـان أول مباديـك
وحذراك ذل النفـس والنفـس حيـة = وحذراك لـدروب المهالـك توديـك
النفـس أمـارة بسـوء وخطـيـة = أحذر على الـدرب الرديـة تمشيـك
هـذي نصيحـة وأكتبتهـا بنـيـه = أخذ النصحيـة جعـل ربـي يخليـك
[/glow1]