ياطفلةِ " تبكينْ من فقـدْ : سلسـال

وأنا فقدتْ أمي " وابـوي" وحياتـي

ياطفلةِ دمْعك علـى الخـدْ " همـال

دمْعك رسايل غيـمْ يـروي نباتـي

عمْرك ثمان سنين" وهمومك جبـال

توّك " على درب الحزن " ياغناتـي

فكّرت في حكمة زمانـي والامثـال

ياطيـف حلـمْ ايامنـا المقبلاتـي

جفّت دموعي ليلة الحـزنْ وأختـال

بين المحاني " العوج" صوت عبراتي

رحلّت ادور من لظى شمسي أظـلال

أكتب على رمل الصحاري وصاتـي

كتبت لي بيتِ على صفحـة رمـال

انّي وحيد الـذات حتـى " مماتـي"

أنا الغريب اللي سكنْ داخل ادغـال

اشـب نـاري " واتلحـف" عباتـي

وانا الثريّ اللي فقد " هيبة" المـال

وانا الفقير اللي حلالـي" عصاتـي"

في داخلي طفلِ درس قصّة أجيـال

يستنكر انّ الشيب ثـوب اشعراتـي

فيني " عزايم" شيخ " وطبوع رجّال

والجار بنّته " كنّهـا مـن خواتـي

أحب شوفة طيّب السـاس والخـال

يظهر على وجه النشامـا غلاتـي"

وأسج بالدنيـا مـع ضيقـة البـال

لعلّْ~ في الوحدة تزيـد اضحكاتـي

واذا نشدني صاحبي قلّت له: عـال

وأنا تجاعيد الزمـن فـي شفاتـي

تبيكن ياطفْلة على فقد " سلسال " ؟

وأنا فقدت أمّي" وابـوي " وحياتـي