|
اشهـد ان بعـض الشتايـم .. مستحبّـه !!
أصعد ( المشـراف ) يـا شعـري وذبّـه
أنـت اكبـر مـن محيـطـه وارتفـاعـه
مركـبـك هبـايـب افـكـاري تـهـبّـه
و( البحـر ) ميّـت علـى فلـة شـراعـه
و( السمـا ) تشتـاق لـك شـوق الاحبّـه
لانّــك تحـجّـم فضـاهـا واتسـاعـه
خش تقصيـري !! عـن عيونـي وخبّـه
خلّنـي كامـل مـع التفكيـر .. سـاعـه
ليـن اسـوي منـك : دافـع للمسـبّـه !!
لكـل فـارغ ودّه : يـمـارس ضيـاعـه
اشهـد ان بعـض الشتايـم .. مستحبّـه !!
الدلـيـل القـاطـع لطـيـب البضـاعـه
يـا تعـب حالـي ويـا حـالـي وطـبّـه
والله ان كنّـك اخـوي مـن الرضـاعـه
اتنـومـس فـيـك وانــوّه وانـبّــه :
انحـدار الطـرح فـي جيـلـي إشـاعـه
أعشقـك .. ومخالـفـك ربــي وربّــه
بيـنـي وبيـنـه مجـافـاه وقـطـاعـه
الكـراهـيّـه ضـريـبـه للمـحـبّـه !!
فلسـفـة شـاعـر وتوظـيـف لقنـاعـه
كـل شـي ٍ نكـرهـه عكـسـه نحـبّـه
مثـل كـره الخـوف حبـا ً بالشجـاعـه
جـايـز اربــاك العـقـول المستتـبّـه
بالـدهـا و العنجهـيـه واللـكـاعـه !!
مير قلب الشعر : ( غصـن ٍ ) مـا لعبّـه
غيـر ( نسنـاس ) الرقـي والاستطـاعـه
يـا أولـي الألـبـاب والإبــداع لـبّـه
في اكتشاف ( الدارج ) و ( حُسن ) اختراعه
والأكيـد : ان الـدرّر فـي كــل غـبّـه
وكـل ٍ ونسبـة ذكـائـه واطـلاعـه !!
والمهـم : مـوت النهـر فآخـر مصـبّـه
النهـايـه المنطـقـيّـه لانـدفـاعـه !!
|