ياقلبي سلهم للبنات الغنادير = توك خضر والدرب واضح ويبيني
بنات فكري للفكر جن طوابير = وأخترت منهن مايليق لي وزيني
الحب مأظن للمحبه معاذير = قبل الفؤاد حبت انا اليوم عيني
سبحان ربي كمله بالتصاوير = حسنه مع خلقه مع زود ديني
عنق المها واللوان لون المغاتير = وفل الشعر من فوق متنه الحسيني
وعينه وسيعه ماهي كبار مداوير = وان شفت ردفه جريت لحنن حزيني
الخشم شلفا تذبح بحده الطير = والثغر باسم به اللولو الثميني
الجسم مفصل ماهو طويل ولا قصير = والحمدلله ماهو بزود متيني
عليه خدودن حمره صايره دوااوير =والحاجب كنه حدب مهند سنيني
ليمن نظرته اخذلتني التصاوير = وصبني العرق وقامت ترجف يديني
وأخطيت مابين صباح والا مساء الخير= وهو عذرني لانه فاهم فطيني
زود الغلا والود زاد المشاوير = وأقطع حدودن حدت بينه وبيني
الجامعه تجمع كل كبير مع صغير =وشوفته والله ياجماعه ترضيني
الصف وااحد وحنا ورد ومصادير = وحبه بقلبي والله انه دفيني
مير استحي اصارحه ويعلم الغير = اني خجول وعينه ماتجي في عيني
يالله ترزق عبدك حسن التدابير = العقل والحلم وانه يازي رزيني





مما راق لي