:

جبت الغنايم من بعد طـول غيبـات .. وإلا على جنازة الحـب صليـت !! ؟

حتى لو إن العشـق ياصاحبـي مـات ... تبقى الصداقة رمز ,, حتى لو أقفيـت

باقي على إقلاعك يجي ست ساعـات .. وفي طاري (الستة) تذكرت لـي بيـت

بالأمس أشوفك بالسنة سـت مـرات .. واليوم ست سنيـن مـرن ولاجيـت

بسكات كنت أغليك وأهجرك بسكات .. وياللأسف بسكـات عنـي تخليـت

لو ضيقة أبن فطيـس تاتيـه حـزات..آنا معايشها إذا أصبحـت وأمسيـت

ولو الفرح يشبـه مـدن أو عمـارات .... والله ماأملـك سـوى زاويـة بيـت

ولو الزمـن مابـه خيانـه وآهـات .. ماكان شفـت أحلامنـا بالتوابيـت

ولو العقارب مالها صـوت ( دقـات) .. ماكان نحسب شوقنا .. بأي توقيـت !

أدري وداعك صعب لكن هالأبيـات ..تكفي إذا إنك بعد هالقـرب صديـت

سافر فمان الله ,, وإنسى الذي فـات ..آسف حبيبي كان في حقك أخطيـت

عمرك سمعت بحي يحسب مع أموات ؟..هذا أنا.. من عقبكم كننـي ميـت !

قال لي أنا بطـوي جميـع المسافـات..وكل القصيدة ذي رديتهـا (إ) بيـت

من بعد حبك باختصر خمس كلمـات..الله ياخـذنـي إذا بـيـوم حبـيـت

منقول