|
حسافه كنت لي خوان
أنا يا سيدي إنسان
وفا في حب من حبه
حسافه كنت لي خوان
وحبك كان لي كذبه
خدعت وقلت أنا هيمان
وانته قلبي تعذبه
تذكر يوم أنا ظميان
وجيتك حالتي صعبه
وإنت فراحتك رويان
وفيدك كاس تلعبه
تصب الماي يا بطران
على أرضي بلا سبه
وتتركني أنا عطشان
وقلبي جدار تضربه
يا ويلي صرت أنا حيران
وحارت خطوتي فدربه
وصرت اليوم لي سجّان
وسجنك لي وسط غبه
سبحت وصرت أنا غرقان
واحس فدنيتي غربه
أحس فداخلي نيران
تزيد وزادت الكربه
أبكي وصار بي شمتان
عجيبه قاسي ٍ قلبه
حالت بيننا جدران
واطلب (يالغلا) طلبه
دخيلك عيشني نسيان
خيال ٍ كنت تحلم به
يا كذبه في شكل إنسان
طريقي لا تجي قربه
|