قصيدة غلاك
دايم معي لو انت عني بعيدي

غلاك عندي كل يوم(ن)يزيدي
حب وغلا ماله حدود(ن)ولاقياس
دايم معي لو انت عني بعيدي
مرسوم حبك رسم حبر(ن)بقرطاس
أن كان قلبي شيك حبك رصيدي
وليا أنقطع حبك مرده للفلاس
مجنون أبك ماعاد سبك يفيدي
تلعن وتطعن فاقد شعور وأحساس
من جور حبك صار قلبي عنيدي
أجيك مثل اللي مغيب من الكاس
أن مستفزيتك بقوة قصيدي
أبا أستفزك في قصايد من الناس
أذكرك مره كنت تطلب جديدي
وهذا جديدي فيك ياعذب الانفاس
أقفي عنك مانيتي لك أعيدي
ورجع واقول اللي طلبته على الراس
حبك بقلبي حل علم(ن)أكيدي
وصبح بحر وانا مع البحر غطاس



للشاعر
خليف الوهيداني