السلام عليكم ورحمة الله وبركاته
أقبل يحرك خطوة الرجل برفوق ***والقاع لمصافح خطاه يتشوق

مخلوق لكنه ماهو بأي مخلوق ***على بنات ادم و حوى تفوق

عليه لبس يجمع الوسع والضوق*** موسع بعضه وبعضه مضوق

مر و تعدى ما بدا منه منطوق ***الا انه بجيش المفاتن مطوق

خلاني امشي واقضب الدرب واتوق*** ماني بتايق عقل لكن متوق

تقول مرمي على الارض من فوق*** والا من السم السقطري مذوق

يغفي علي شوي وشوي افوق ***واقول لاستيقظت والبال روق

مدام لامعوق ولاصايبه عوق ***وراه يمشي مثل مشي المعوق

اللي على حاله خطر من هل السوق*** مفروض يمنع مايرح يتسوق

لافي الغيداني