أمس العصـر يوم أقبـل اللـيل ونيـت
وأكتب على الاوراق قصة حياتـي
لولا الحياء من الناس للثوب قديـت
مار البلاء تفرح بي أهل الشماتي
كتمت جرحي داخل الصدر وأخفيت
ومليت من عمري وباقي حيــاتي
يا من يخبر صاحبــٍن منه تبلـــويت
من ونة بالصــــدر تيبس شفـاتي
أسباب ريـمٍ صادفـــن يــوم مــريـت
اللــي عيونه بالهواء ساحــراتي
يوم نظرن بعيونها غصبن أغضيت
يا ويـــل عين بعـــــدها ماتبـــاتي
للمر أنا يا نــاس للكـــأس شفيـــت
وعيوننـــا عن نومـهن عازياتي
تبكيني الاحـــــلام وللشوق ناديـــت
وش حيلتي يا ناس هاذي سواتي
يا ليتني مارحــــت يــم البدو ليـــت
ولا شفتهن عنــــد الذرا واقفـــاتي
قصرت أنا الخطوة على عشان ياليت
يمكن يكونن بالغــــلط واهمــــاتي
صوت أنا بالصوت يا راعي البيت
طلعت علي وحدة من البنـــــــاتي
قالت تفضل وادخل البيت حييــــت
حنا خوات بالخــلا ساكنــــاتي
حنا بدو وعلومنا ترفع الصيت
لا غاب راع البيت وصـى البنـــــاتي

م/ن