[ALIGN=CENTER][TABLE1="width:85%;background-color:gray;"][CELL="filter:;"][ALIGN=center]

اشتقت لك ياغيم / ياروح / يا انسان
.............................. واشتقت لاحساس المطر في مزونه

اشتقت لايام الرضا بين الاحضان
.............................. واشتقت اضمك في يديّ بـ ليونه

اشتقت لك فرشه ولوحة وألوان
.............................. من يجمع الأحباب داخل حصونه

اشتقت لك كبر العطا بيد الاحسان
.............................. واعظم من اللي كان واللي نكونه

ماغبت عني وانت بعيوني أوطان
.............................. وش هـ الغياب اللي يدفي جنونه

أعيش بك لحظة تسامي وتحنان
.............................. وآآموت بك في قلب مـ اقوى ظنونه

انت العمر / وانته ضيا كل الأزمان
.............................. ليت الزمن نقواه / نقدر نخونه

ليت المشاعر مابدت .. لجل تنهان
.............................. وليت الظروف تروف ليله حنونه

"ياليت " ماتبني من الحزن : بلدان
.............................. و "ياليت " ماترضي مساي وسكونه

أحتاج لك ثورة سما / طيش بركان
.............................. وأحتاج تروي صمت جفت ركونه

" أحتاج " ياما قلتها نبض ولسان
.............................. وياما لقيت الحلم .. يشبهك لونه

في غيبتك : شريان يجتاح شريان
.............................. وش ذنب ورد الروح تذبل غصونه

حرب وغياب .. وكل ماقلت بردان
.............................. اتذكرك ..! وأدفى معك في مرونه

تدري .. مكانك ماتعوض ولا هان
.............................. وتدري .. مكانك محتفظ في شجونه

أنت العظيم اللي نفى صوت الاحزان
.............................. وانت الكريم اللي عيوني تصونه

تدري وش أعظم شي بعيون الانسان
.............................. انه يشوف انسان يسوى عيونه

يعني :تشوف الناس في كل الأحيان
.............................. وتحس كل الكون غايب بدونه


.
.
.

{ الشاعر عبدالله بن زنان .. !!

أتمنى أن ترتقي لذآئقتكم

[/ALIGN][/CELL][/TABLE1][/ALIGN]