[align=center]بلير

الله لا يجزاك بالخير يابوش********ورطتنا في حرب صدام ورطه
غرمتني وتقول بترول وقروش********بس الحقيقه روحتي معك غلطه

بوش

يابلير رد العلم عن بوش ابن بوش*******الله خلقنا للمقاريد سلطه
وأبوي عنده للرياجيل دنبوش******كم واحد شلنا فلوسه ونفطه

بلير

ابوك والنعمين لكن انت مربوش*****تموت بالبترول وتحب شطفه
صحيح عندك مال وسلاح وجيوش*****مير اتوقعلك تدهور وسقطه

بوش

يابلير كانك خفت يوم احتمى الهوش*****حرام ماتاخذ من النفط نقطه
قبلك ترى شيراك قد راح مكروش****شوفه يسرح كل يوم بمحطه

بلير

وراك ماتعطي لشيراك عرموش******تراه مشغلنا بشيله وحطه
ولينتهي موضوعنا نرسل طروش*****ونجمع المبلغ من الربع قطه

بوش

شيراك هذا عنده الفكر مغشوش******فرط علي بمجلس الامن فرطه
يدزه اليابان والصين ويطوش*******ومجهز الفيتو لتحقيق شرطه


بلير

يا بوش انا مرهق وخايف ومدهوش*******وانت تقول الحرب خدعه وخطه
اسراري واسرارك امتلى منهم الحوش******عز الله انه اصابني منك جلطه

بوش


ماقلتلك كم فيه من اذاعات ودشوش*******لا تكشف المعنى وانا اقول غطه
وان قالوا انا علوج واصحابنا جحوش*******ماهمنا الصحاف واللي يحطه[/align]