[glow1=000000]علموه إني ذكرتـه بـأول العـام الجديـد
وعلموه أن الجروح بقلب غاليـه موجعـه

إيه أحبه كثـر حبـي للمعانـي والقصيـد
وكثر ماهلّت دموعي يـوم حـل إموادعـه

أشتاقله كثر إشتياق (الجد) لعنـاق الحفيـد
وأتحمله كثر إحتمال السـد موجـن يدفعـه

وأحتاجله كثر إحتياج القلب للدّم.. والوريـد
وأنفعه مثل العشير اللـي عشيـره ينفعـه

آه لوأملك ربـع ماتملكـه (إ يـد الوليـد)
لأجل أحقق أمنياته ولأجل ألبـي مطمعـه

ذاب قلبي في غيابه مثـل مـاذاب الحديـد
يـوم ولعنـي وخـلا نـار قلبـي مولعـه

أشهد أنه مارحمنـي يـوم خلانـي وحيـد
طاوعه قلبه يغيب ..وكيف قلبه طاوعه.. !؟

ماسمعت ألا (شطر) ويحرّك إشعور البليـد
(ضاقت الدنيا بشاعر طيب قلبـه ضيعـه)

آتمناه..وأريـده.. (والله يفعـل مايـريـد)
وكان مكتوب الغياب..شحيلتي وكيف أمنعه؟

علموه إني فقدته وياعسـى عامـه سعيـد
وعلموه أن القصايـد فـي غيابـه تتبعـه
[/glow1]