لا مت حلمي ادفنه في جواره ..


[align=center]ماني بميت دام هذي حياتي ..
.............بعيش دنيا كل ابوها خسارهـ ..
انسان يضحك داخله شي ماتي ..
.............بعده تجرع ضيق هم ومرارهـ ..
حلمي واعرفه ضايعن في شتاتي ..
.............والفرح اجيبه من حظوظي استعارهـ ..
والدمع دايم في عيوني يباتي ..
.............والورد اشوفه نابتن في خضارهـ ..
تدري وش اللي ضاق فيني واحاتي ..
.............الحلم حلمي كيف يحني مسارهـ ..
لين الزمن صار ضيق وشقاتي ..
.............والحزن فيني صار كنه منارهـ ..
حتي ضلوعي هاك شفها فتاتي ..
.............ضيقه بضيقه ليل صبحي نهارهـ ..
عندي وصيه كان تبغي وصاتي ..
.............لا مت حلمي ادفنه في جوارهـ ..

[/align]