ماجيت انا يوم اكتبك لاجل اجاملك

ــ\/ــ\/ــ\/ــ\/ـ مثلي ترى ماهو بحاجه .. يجامل



مادمت في حكم الهوى .. ماخذ الملك

ــ\/ــ\/ــ\/ــ\/ـ لولا مخافة ربنا .. قلت .. كامــــل



مانيب اجامل يوم انا قلت : مااْجملك

ــ\/ــ\/ــ\/ــ\/ـ ينبت من الصفحه .. خفوق .. وأنامل



الشعر .. والطاري .. وانا .. مانتحمّلك

ــ\/ــ\/ــ\/ــ\/ـ صعبه نجيك ومابنا شخص .. ثامل



والليل .. شافك .. وارتمى عند مخملك

ــ\/ــ\/ــ\/ــ\/ـ وخلا ّ نجومه بالسماوات ارامـــل



حوّل معاه الغيم من شان يحملك

ــ\/ــ\/ــ\/ــ\/ـ والارض عيـّت لكن الغيم .. صامـل



دام الدلع من صغر سنك .. مزاملك

ــ\/ــ\/ــ\/ــ\/ـ عز الله انه عارف ٍ من يزامـــل



انشهد ان الزين .. ماهوب شاملك

ــ\/ــ\/ــ\/ــ\/ـ انت الذي للزين .. بالزين .. شامل



يامدرسه للحب .. مااْطهر تعاملك

ــ\/ــ\/ــ\/ــ\/ـ خل الحبايب يدرسون التعامل



لاتحسب اني يومك اقفيت .. مهملك

ــ\/ــ\/ــ\/ــ\/ـ الكون كله يومك اقفيت .. خامل



وان جيت انا لاجل اوصفك .. ليه اجاملك

ــ\/ــ\/ــ\/ــ\/ـ عامل مثل مـــَ تحب غيرك يعامـل



كل الوجود بشوفتك قال : مااْجملك

ــ\/ــ\/ــ\/ــ\/ـ معقول يعني كل الاشيا تجامل ؟