انا هنا ..! جالس اسولف مع الشوق .. !
واسقيـه .. شعـر ٍ كـل ماجـف ريقـه
وهنا حنين ,, ودمع .. واشـلاء مخلـوق
وحلـم ٍ تكبـل ثـم سبتْـه ..الحقيـقـة
وهنا ردى حـظ ٍ كسـر خاطـر العـوق
وقيود ..! ب يدين الشعـور الرقيقـة ..!
وهنا ازرع الآمـي وتنبـت بـي طـروق
وتثمـر واقطفهـا .. معـانـي عميـقـة
ياعاشقي ..! شف صدر الإحساس مخنوق
يـوم الزمـن حـده بمـا لا .. يطيـقـه
اشرب مكابرتي خمر ل أجل ماافـوق ..!
وافوق ..! وارجع اشرب الخمر ضيقة ..!
وين الخطا مابين عاشـق ومعشـوق ..!
مابـه .. خطـأ .. الا سلـوم الخليـقـة
ماابيـك ليـل مـن المواعيـد مسـروق
موت الهـدف .. ولا إعوجـاج الطريقـة
محتاج لك ..! صبح وعصافير وشـروق
محتاج لك ..! كرت .. وزفـاف ووثيقـة
محتاج لـك .. ! ورد ٍ منـدي ومفتـوق
يـروي ضمـا طفـل المشاعـر رحيقـه
محتاج لك ..! حضن وامان ودفا عـروق
وقمـرى وهمـس وذكريـات ٍ عتيـقـة
محتاج لك ..! عيـن ٍ إذا طالعـت فـوق
ماودهـا ب شوفـة عيـونـي غريـقـة
ياوسع صـدر الصبـر فينـي وياضـوق
صـدر إنتـظـار الثانـيـة والدقيـقـة
الشـوق يلهـث مابقـى حيـل بالشـوق
اقطر ب فمـه شوفتـك .. جـف ريقـه