[ALIGN=CENTER][TABLE1="width:95%;background-color:black;border:4px ridge silver;"][CELL="filter:;"][ALIGN=center]





ابستريح وكل مطرود ملحوق
ماهو بضايع جهدي اللي بذلته

مادامها صارت مشاريه وحقوق
باحاسبك يا وقت باللي فعلته

اطارد الدنيا على مركب الشوق
حلم عثر فيني وحلم وصلته

ارفع بصوتي يرجع الصوت مخنوق
ماخفت من بعض الحكي لين قلته

يوم المعاتب بين عاشق ومعشوق
ما مرني عذر الحبيب وخذلته

والهاجس اللي صار به سبه وعوق
جاني جوابه ليتني ما سالته

كان القصايد طايحه مالها سوق
مارحت افتش عن كلام جهلته

اما يجي شعري بالاحساس مسبوق
والا هذاك الباب قمت وقفلته

المساله قبل الشعر مسالة ذوق
واللي عزلني عن طريقه عزلته

الطير يغريه الفضاء لاشلع فوق
وانا عزاي الوادي اللي نزلته



تحيتي لكم


[/ALIGN][/CELL][/TABLE1][/ALIGN]