انا ماشفت نفسي يوم لأني من خلق من طين
ولو اسمي وصـــل عالي بظل اللي عرفـتـيـنـي ..
ولـكن للأسف هـــانت ليـالـيـنـا بغـمـضـة عين ,
وعلى الفرقــا من اسبابك نعم انتي جـبرتـيـني ..
تـوصيـتي بـطـعـناتـي وبـعـد ماتـنـزف السكين
وقبل لا ألـفظ أنـفاسي على نفسي توصيني!
دخـيلك قـلـبـي الـوافي تـخليـنه ولا تــطرين ..
و راس اللي تـحـبـيـنه تصدي عن مدى عيـنـي ,
وصلـتي حـق نـهـاياتي وش اللي بس بقى تـنهين
وعلى مــا اظن ما بـاقي ولا حاجه تـحس فيني
مــدام انك تحـبينـي و بـنـفس الوقت ماتـوفـين !!
ومدام انك وفـيتي له و بـنفس الوقت خـنـتـيـني
وش اللي بس تحسينه؟ إذا انتي كنتي تحسين
تــحبـيـني و تـحـبـينه ..!! تـحـبيـنه و تـحـبـيـني !!
حـضـنتي قلبي و نمتي و على صوتي انا تـصحين
و إلامــنك تـمللتـي تـحـضـنـيـنه و تــمسيــنـي ,,,
مُـحال تـصيـر في الدنيا بـشر في داخله { قـلبين }
تـبينه بـقلب و فـي قـلبك بـعـد قـلب يـناآاآديـني !
انـا ماآابـيك لو انك عـلى الـفرقـــا ( دهر ) تـبكين
صعـب ارضـي بـنـزواتـك ولــو حـتـى بـغـيـتـيـنـي ..
ثـــلاث سنين أو أربــع وكاد انــها كـثيـر سنين ,
بـعـد هذا العـمـر كـله على ايامي صـدمـتـيني !!
بعد لا تــنـطـقي بكـلمة رجيتك اسكتي تــكـفين
اخــافك ان تـكـلمتي خطا بإسمه تسمـيني
واذا مــــرة ذكرتـيـني مـع الأيام تـبـتـسـمـين
و يـبقى لك مثل ذكـرى جمـيلة لا ذكـرتـيـني !
كــثير اللـي يـتـمـنونـك واكـيد انك تبي تـلقين
و انسي يــوم ما انتي تــمنيـتي و لـقـيتـيني
انا وش جابــني لـ/دربك انا وين وغرامك وين ..؟!!
انـــا اكــبر من عـيوبـك , و عـيب انك عـرفـتـيـني
وانـسي انك ذبـحـتيـني وامانه ادفـني السكين ..,
وعلى قبري بدال اسمي ابي كلمة ( خسرتيني )