:
:
جاني يقول ابي اعتذرلك واراضيك
جاني يهل الدمع يطلب رضايَه
يقول انا غلطان يومي اجافيك
بعدك ترا موتي وقربك دوايـَه
واليوم جيتك نادمن بين اياديك
إحكم عليّه ولاتقرر شقايـَه
قلت الحكم صادر من العام ناسيك
وحبك بعد صدك رميته ورايَه
نسيت غدرك ومافعلته بماضيك
نسيت حتى يوم ترفض غلايه
صدقك طعن من كان في العام مغليك
واليوم تطلبني اجدد هوايَه
تراك ميت في زماني واعزيك
موتك تراهـ اصبح في صدك عزايَه
وشلون ياميت بعد موتك احييك
وشلون يرجع من توفـّى معايـَه
اقولهامن قلبي اليوم مابيك
هذا قرار القلب ابعد كفايه
لاتعتذر ماعاد لي رغبةٍِ فيك
لاتذرف دموعك تراها نهايه