ياهلابك كثـر ماطـول غيابـك
ياهلابك يـوم جيتـي تحترينـي
فز قلبي من غلاتك والتقى بـك
مانسيت اللي مضى بينك وبينـي
هو خذاك الشوق ولا الحب جابك
بعد ماغابت سنينـك ياضنينـي
كان في قلبك سوالف عن عذابك
كل هم ٍٍ وسط قلبـك يحتوينـي
ليه ما أدري ماسألتك عند بابـك
وش سبايب غيبتك يانور عينـي
أرحم احساس الاماني في مصابك
أشتكي للحـب.. والا تشتكينـي
كان ترجع ياحياتـي لاغترابـك
مابقى للعمر قيمه فـي سنينـي
مايخيب احساس ظني باقترابـك
كن ظني ساكـن بقمـه يقينـي
البدايه فيك والقلب أبتـدى بـك
والنهايه مو بيـدك ولا بيدينـي
بس اقول أهلين مرحب ياهلابـك
كان رحتي او رجعتي تحترينـي