منتديات بعد حيي - عرض مشاركة واحدة

معرض الوسام · 01-17-2011, 06:13 PM

قصيدة الغالي

الغالي اللي نسيت إرضاي و ارضيته
ليلة رحل ما ترك لي من يعزّّيني
هو حس فيني أخذت اللوم واعطيته
نوم الليالي وانا ما غمّضت عيني
هو حس فيني رويت الشوق وأضميته
ناره و روي الغرام العذب بايديني
هو حس فيني نزحت هناك وأدنيته
إلين ما صب روحه في شراييني
هو حس فيني اليا منّي تباطيته
كل الدروب لعيونه ما تودّّيني
يا ليل كانك على خبري و مرّّيته
قلّّه لهالحين يذكر وش موصّيني
علمٍٍ عطانيه بين ضلوعي أخفيته
شلته مثل ما يشيل البعد غاليني
كانه تذكّر ف انا اللي ما تناسيته
ما دام به ليل ياخذني و يضويني
وكانه قطعني ف انا عمري و مدّيته
والله ما أمد له غير أجمل سنيني
بس انت قلّّه ليا جيته ومسّيته
هو حس فيني أموت و لا درى فيني

منقول تقبلووو تحياتي

شايل جروحي بروحي

لكم مني اجمل تحيه