|
سيدة حبي ......
السلام عليكم ورحمة الله وبركاته
الله يمسيكم بالخير جميعاً
اسف جداً على الغياب
اهديكم هذه القصيدة الغزلية بعنوان ( سيدة حبي )
سيّدة حبّي إنتي ..وسيّده للجميع
للشعر والمشاعر ..للهوى والأماني
من تحدا عيونك أشهد إنه يضيع
خاضع للٍغرام .. وبالمحبه مداني
ملهمة كل شعري يا فضاي الوسيع
يا زهر نرجس وفلّ ..وبخور ٍعماني
فيك من ياسمين الشام وقت الربيع
وفيك من جو ري الطايف عبيرٍ لفاني
يا زمرّد حياتي .. والله إني ما أبيع
حبك اللي لعالم هالسعاده خـذاني
فى كـفوفك عطا منـّـه كثير النفيع
وفي عيونك كلام ٍما يـقوله لساني
وفى خضوعك شموخ ٍما وصل له رفيع
وفي سكوتك ذهولٍ حار فيه الذهاني
يوم طالعت عينه قلت ربي سميع
يستجيب لدعايه خالق المودماني
يالله إنك تجيب الزين عندي سريع
يا مجيب لعبادك ..أنت تعلم بشاني
والله إني ما ألـوم اللي غرامه شنيع
لو جلس طول عمره ما يبي شخص ثاني
والمحبه من الله وإبن آدم يطيع
وكل ما أقول أبنسى ..ليه قلبي عصاني
كنها الأم عندي وأنا طفلٍ رضيع
فيه أمل هالطفل ينسى الدفا والحناني
لكن الله يبيحه لبعدها ما أستطيع
واهني من يشوفه ساكن بهالمكاني
والولع بالمحبه يا العوارف فضيع
الله اللي بحكمه سكّنه في كياني
[/size]
|