:
:

ووِشْ قُومِك و وشْ فيكْ و ألا عَلامكْ ؟
قَدْ لِك مَعي كَم يومْ و علومكْ علُوم !
و أنَا أدري إنِّي يَ مرامِي مرامكْ
لَو تقعُد الدنيَا و لا تَقدَرْ تقُومْ
عَطيتني قَلب و بَخَلتْ ب سَلامِك
وِشْ فَايدَة حبّك و أنَا مِنكْ مَحرومْ
لا عَاد تَزعَل و أحيني بـ بتسَامكْ
ضِحككْ يزيلْ أوجَاع و جروح و همومْ
و كَلامْ عينِك ما يهمّشْ كَلامِك
كَلامْ عينِك كومْ و إحكَاك لي كُومْ
لا غِبتْ عَن عيني رِوح إنشِد غَرامكْ
تَلقَاك في قَلبي مقلَّطْ و مَحشُومْ
بَعدينْ يَ أغلَى النَّاسْ وفّر مَلامكْ
تَرى الغَلا يَجفلْ على كَثرَه اللّومْ
دُونِك خفوقي ممتلي مِن سهَامِكْ
و لا شِكيتِك جَرحَه و قلَّه النُّومْ
القَلبْ مِثلْ الطِّيرْ وفّر حَمَامكْ
إن أفلَسْ أقَبلْ للسّمَا يَقلِبْ الحُومْ
لَكن قَبل لا أنسَى بنبّهكْ دامكْ
مِسلِم و بَاقي كَم شَهر يدخلْ الصّومْ
لا يَذبَح الموضُوعْ قِل إهتمَامِك
طِعني و شِف لي شيخْ يفتي لِك اليُومْ
مَا ظنّتي يَ زينْ يقبَل صيَامِك
ريقِك عَسَل علمني وشلونْ بتصُوم

ملطوشه