توّي مـن اوهـام المفـارق تريّحـت
من يوم كف الوقت جـاد بوصالـك
اجمل صباح اللي بصوتـك تصبّحـت
واحلى اتصـالات الجميـع اتصالـك
ياللي بعينـي كـل الايـام ماطحـت
طاحوا خلايق وانـت باقـي لحالـك
ياسرّي اللي فيـك للنـاس مابحـت
مستوطـنٍ بيـن المحانـي ومـالـك
كل العرب تحسبك من عالمـي رحـت
واني نسيتك يـوم شـدت رحالـك
مايعرفون انـك معـي لـو تنزّحـت
احيا بصورة واقعـك مـع خيالـك
احلم بوجهك كل ماامسيت و اصبحت
واليوم هـذه طلتـك حـي فالـك
باجمل وشـاح للحبايـب توشحـت
تملك تواضـع يتفـق مـع كمالـك
تعال اسولف لك عن الواقع البحـت
من غيبتك حتـى التقيـت بقبالـك
تمثال حبك منّحـت داخلـي نحـت
من المستحيـل اقبـل بحـب بدالـك
يااكثر بشر يفهم عليّ كـان لمّحـت
تقرأ الغـلا جـواي وانـا كذالـك
ارتحت لك وارتحت وارتحت وارتحـت
من يوم كف الوقت جـاد بوصالـك
منقوله