؛؛مدخل؛؛
الــوقت يـسـرق والمقـاديــر عجله
وأنتي بعيده والعنا عّذب الجوف

دام المحبه بيننا حبلها شد
لاعاد نسأل عن جميع الخطايا
ماراح ولى والأماني له الغد
ياويش خبى للسعاده خفايا
نبني أمل وجسور الاشواق تنهد
دام الجفا له بالعلاقه بقايا
الحب لذه..وإن طغى سمه الصد
ياهو يسوي فالقلوب السوايا
إن قلت أعديها يعاتبني البعد
وإن جيت أبسلا يرفضن الحنايا
حال الجفا دون المعاذير والرد
حب النقا ماتحتويه الهدايا
دامه وصل في رحلته دمعة الخد
ياخذ سنين إن ماخذته المنايا
أنا أشهد أن اللي حكم بيننا ند
حكمه قوي دام القوافي ورايا
مايقبل التعبير ومصافح اليد
هذا الفراق أن سولفوا بالقضايا
أدعي وأناجي يازمن حبنا عد
أرجع ونور بالشموع الزوايا
بحر الهوى جاني ولارده السد
أنقذ عشيرك لاتعض الشفايا
وإن كان ماودك تجي واصل الصد
تبقى حشيم وصورتك في سمايا

؛؛خروج؛؛
هذا العشير اليوم لك ساق رجله
الـوجد عــله والـعـنـا لايـفـه لــوف