قصيدة ( يا هلا فيك ) شعر : احمد الجريفاني

[poem=font=",6,orange,normal,normal" bkcolor="teal" bkimage="" border="none,4," type=0 line=0 align=center use=ex num="0,black""]
مدري حبيبي وش بفكرك ودنياك=عساك ليله ساهرٍ لجل مغليك
عسى الزمن ما حال دوني ونسَّاك=قلب رضى بالظلم من شان يرضيك
خوفي عليك اكبر معانيه فرقاك=جارت على قلبي وخلتني اشكيك
اشكيك لعيوني وعيني تحرّاك=وابني امل اوهام حلمٍ يراجيك
يا ما مع الآمال حطمت الأشواك=الدم من قلبي سقى زرع واديك
لين أزهرت وردات حبي بدنياك=حمرا مثل دمٍ سقاها ويفديك
يفداك يا غالي عذابي بسلواك=وتفداك يا غالي حياة الأمل فيك
والله ما حرمك فرحة العمر لولاك=ما طاب لي عيش القهر ويش اسميك
سراب حلم اوهام قتّال فتاّك=مغدي هموم الليل محيي دواكيك
سحر سما اللي صورك لين خلاك=تشقي ولا تشقى ويكثر تغليك
تجني على قلب يطيعك ويهواك=يقبل تغناجك ويرضى تجنيك
يطرب لتحنانك ويسهر لمغناك=ويقول لك طول الدهر يا هلا فيك
[/poem]