قصيدة أنا وعيونك والكحل

[read]

غمضي طرفك إذا مر السواد
لا يصيب الكحل عينك تدمعه
وان هملتي ويني ووين الرقاد
احسب انك ضايقة أو موجعه
واحسب ان الكحل بعيونك رماد
والعروق تنفّ نارٍ مولعه
واحتمي بالصمت من لفح الوكاد
واحسب ان الدمع غيضك يدفعه
وان سألتك تعرضي عني بعناد
واحسب انك مقفية ومودعه
ادري ان ظنوني وطرفك بعاد
وادري ان الكحل سبة مدمعه
بس ليش الكحل أصلاً يا وداد
طرفك الله كمله يوم أبدعه
هالعيون اللي غوت كل العباد
كحلها رمشٍ طويلٍ م اروعه!
لا رضيتي لي الالم حطي السواد
ما يهم لو كان دمعك يخدعه
جعل قلبي ما سوى قلبك أراد
وان قتله الكحل .. لحدي يتبعه

[/read]

الشاعر محمد الهاشمي - دافي الجرح